SİYASƏT
A- A A+

ABŞ Konqresində Azərbaycandakı tolerantlıq ənənələrinə dair müzakirə aparılıb

2016-06-15 10:00:50

ABŞ Konqresində Amerikadakı nüfuzlu yəhudi təşkilatlarından olan Avrasiya Yəhudilərinə Dəstək Milli Koalisiyasının təşkilatçılığı ilə “Bilinməyən tarix: Azərbaycandakı yəhudi icması” adlı brifinq təşkil edilib

Milli Koalisiyanın icraçı direktoru Mark Levinin moderatorluğu ilə keçirilən tədbirdə əsas natiq qismində Azərbaycanın ABŞ-dakı səfiri Elin Süleymanov çıxış edib.

Mark Levin dinindən və irqindən asılı olmayaraq Azərbaycanda bütün insanların sülh və əmin-amanlıq içərisində yaşadığını vurğulayıb. Bu kontekstdə, Azərbaycandakı yəhudi icmasının da istisna təşkil etmədiyi və uzun əsrlər boyu dağ yəhudiləri icmasının Azərbaycanda heç bir ayrı-seçkiliyə məruz qalmadan dinc yaşadığı bildirilib.

Azərbaycana sonuncu səfəri ilə bağlı təəssüratlarını və xatirələrini tədbir iştirakçıları ilə bölüşən Mark Levin, həmçinin ölkəmizdə bütün konfessiya mənsubları, o cümlədən yəhudilər üçün yaradılmış əlverişli şəraiti şəxsən öz gözləri ilə gördüyünü qeyd edib. Onun sözlərinə görə, günü-gündən inkişaf edən İsrail və Azərbaycan arasındakı güclü tərəfdaşlıq bağları da məhz xalqlar arasındakı bu dostluqdan qaynaqlanır. O, dünyanın bir çox yerlərində anti-semitizmin tüğyan etdiyi bir zamanda əhalisinin əksəriyyəti müsəlman olan Azərbaycanın bir çoxları üçün nümunə olduğunu və bu kimi halların daha da geniş auditoriyaların diqqətinə çatdırılmasına ehtiyac duyulduğunu bildirib.

Daha sonra çıxış edən səfir Süleymanov qeyd edib ki, Azərbaycanın yəhudi icması cəmiyyətimizin ayrılmaz tərkib hissəsidir və ölkəmizin elmi-intellektual, siyasi və iqtisadi həyatında mühüm rol oynayır. Səfir Azərbaycan yəhudilərinin dövlətçiliyimizin təşəkkülü və inkişafında da mühüm rol oynadığını, misal üçün Azərbaycan Xalq Cumhuriyyətinin ilk səhiyyə nazirinin yəhudi olduğunu və o zaman da, indi də yəhudi əsilli vətəndaşlarımızın Azərbaycan parlamentində təmsil olunduğunu diqqətə çatdırıb. Müstəqillik illərində Ermənistanın hərbi aqressiyasına məruz qaldığımız zamanda, torpaqlarımızın bütövlüyünün qorunması üçün yəhudi icmasının öz həmvətənləri ilə birgə silaha sarıldığı, habelə əslən yəhudi olan Albert Aqarunovun Vətənin qorunmasındakı göstərdiyi şücaətə görə Azərbaycanın Milli Qəhrəmanı adına layiq görüldüyü diqqətə çatdırılıb.

Diplomat ölkə rəhbərliyinin xüsusi qayğısı sayəsində Bakıda iki sinaqoqun inşa edildiyi və Cənubi Qafqazdakı ən böyük yəhudi təhsil mərkəzinin tikildiyini brifinq iştirakçılarının diqqətinə çatdırıb. O, həmçinin müstəqillik qazandığımızdan bəri İsrail-Azərbaycan münasibətlərinin yüksələn xətt üzrə inkişaf etdiyi və ölkəmizin İsrailin enerji təhlükəsizliyində mühüm rol oynadığını vurğulayıb.

Səfir Süleymanov tolerantlıq və multikulturalizmin Azərbaycan cəmiyyətinin təməl daşı olduğunu, bu xüsusda 2016-cı ilin ölkəmizdə “Multikulturalizm ili” elan edilməsi və BMT-nin Sivilizasiyalar Alyansının sonuncu forumunun cari ilin aprel ayında Bakıda təşkil edilməsinin təsadüfi olmadığını qeyd edib. Sonda diplomat dünyanın hansı yerində olmasından asılı olmayaraq, Azərbaycanın zorakılıq və radikalizm meyllərini pislədiyini bildirib.

Brifinqdə ABŞ Konqres üzvlərinin köməkçiləri, ictimai təşkilatların nümayəndələri, Azərbaycan və yəhudi icmasının təmsilçiləri və media mənsubları iştirak ediblər. (AZƏRTAC)

 

 


Kateqoriya : SİYASƏT Baxış sayı : 972

QHT və MEDİA

2020-06-05 09:05:03

QHT və MEDİA
Vətən fədaisi, istiqlal mücahidi - Musta...
Vətən fədaisi, istiqlal mücahidi - Musta...

O, 1878-ci ildə keçmiş Göyçay qəzasının Kürdəmir kəndində anadan olmuş, ilk ...

2020-06-04 11:05:08

QHT və MEDİA
Dövlətçilik tariximizin parlaq səhifəsi...
Dövlətçilik tariximizin parlaq səhifəsi...

O illərdə xalqımızın qabaqcıl şəxsiyyətləri, mütəfəkkir adamları, ziyalıları ...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...