QHT və MEDİA
A- A A+

Polad Bülbüloğlu ilə Minsk-Bakı videokörpüsü keçirilib

2016-06-11 09:35:50

İyunun 10-da “Sputnik Belarus” İnformasiya Agentliyinin multimedia mətbuat mərkəzində Polad Bülbüloğlunun “Eşq və Ölüm” baletinin Belarus premyerasına həsr olunan Minsk-Bakı videokörpüsü keçirilib

Belaruslu xoreoqraf Olqa Kostelin quruluş verdiyi bu tamaşa ilə iyunun 11-də Minskdə “Bolşoyda balet yayı” beynəlxalq festivalı açılacaq. “Eşq və Ölüm” baleti təxminən 1300 il əvvəl yaradılmış və UNESCO-nun Qeyri-maddi Mədəni İrs Siyahısına daxil edilmiş qədim türk eposu “Kitabi-Dədə Qorqud”un motivləri əsasında yazılıb. Bəstəkar bu əsərini həyatının başlıca işi adlandırır.
P.Bülbüloğlu bildirib: “Mədəni əlaqələr ölkələr arasında münasibətləri gücləndirir. Minskdə çoxlu dostum var, onları neçə illərdi tanıyıram. Şadam ki, baletimin premyerası məhz burada olacaq”.
Videokörpü zamanı Belarus Böyük Opera və Balet Teatrında tamaşanın premyerası və MDB-nin əsas humanitar mükafatı olan “Birlik Ulduzları”nın təqdimetmə mərasimindən söz açılıb.
Premyeradan əlavə, Azərbaycanın Rusiyadakı səfiri “Birlik Ulduzları” mükafatını təqdim edəcək. Bu il mərasim ilk dəfə Minskdə keçiriləcək.
Azərbaycanlı diplomat və bəstəkar bildirib: “Öz yaradıcılığına, istedadına görə bu mükafata layiq görülən şəxslər ölkələri, insanları və mədəniyyətləri birləşdirir. Heç bir mədəniyyət təcrid olunmuş vəziyyətdə inkişaf edə bilməz. O başqaları ilə əlaqədə olmalıdır”.
P.Bülbüloğlunun sözlərinə görə, mədəniyyət çox işə qabildir. 25 ildir Vitebsk şəhərində keçirilən “Slavyan Bazarı” festivalı buna nümunədir.

Səfir deyib: “Məncə, həm MDB məkanında, həm də dünyada ikinci belə festival yoxdur. Bu festivaldakı əhval-ruhiyyə dostluğa, əməkdaşlığa, mehriban münasibətlərə və mədəni əlaqələrə təşviq edir”.
Jurnalistlər Azərbaycanın Rusiya Federasiyasındakı səfiri ilə yaradıcılıqla bağlı olmayan mövzularda da danışmaq imkanı qazanıblar. Azərbaycanlı diplomat Dağlıq Qarabağ münaqişəsi zonasında mövcud vəziyyət haqqında sualları da cavablandırıb.
O deyib: “Ümid edirəm ki, sağlam zəka üstün gələcək və regionda sülh bərqərar olacaq”.
Minskdəki videokörpüdə həmçinin MDB-nin “Birlik Ulduzları” humanitar mükafatının laureatı, Azərbaycan Musiqi Akademiyasının rektoru, Xalq Artisti Fərhad Bədəlbəyli, Azərbaycan Milli Konservatoriyasının rektoru, Xalq Artisti Səyavuş Kərimi, “ASAN FM” radiostansiyasının rəhbəri Emin Musəvi, jurnalist, teleaparıcı Nuran Hüseynov iştirak edib.
“Sputnik Azərbaycan” İnformasiya Agentliyinin multimedia mətbuat mərkəzində isə pilot layihənin iştirakçıları tanınmış musiqişünas və diplomat Nigar Axundova, Azərbaycan Musiqi Akademiyasının incəsənət və musiqi nəzəriyyəsi kafedrasının müdiri Tariyel Məmmədov, sənətşünaslıq üzrə fəlsəfə doktoru, Azərbaycan Musiqi Mədəniyyəti Muzeyinin direktoru, Azərbaycanın Əməkdar Mədəniyyəti Xadimi Alla Bayramova və başqaları iştirak edib. Tədbir iştirakçıları jurnalistlərin suallarını cavablandırıblar. (AZƏRTAC)

 

 

 

 

 


Kateqoriya : QHT və MEDİA Baxış sayı : 744

QHT və MEDİA

2019-06-14 07:00:21

QHT və MEDİA
Sərhədçilərimiz 5.1 km uzunluğunda dövlə...
Sərhədçilərimiz 5.1 km uzunluğunda dövlə...

Dövlət Sərhəd Xidmətinin mətbuat xidmətindən APA-ya verilən xəbərə görə, dövl...

2019-06-12 11:30:45

QHT və MEDİA
Azay Quliyev: "Bölgədə həll olunmayan m...
Azay Quliyev: "Bölgədə həll olunmayan m...

Heç kim üçün sirr deyil ki, soyuq müharibənin başa çatması beynəlxalq gərginl...

CƏMİYYƏT

2019-06-15 09:00:41

CƏMİYYƏT
Türk dünyasında milli mücadilə və ədəbiy...
Türk dünyasında milli mücadilə və ədəbiy...

Azərbaycan Milli Elmlər Akademiyasının Mərkəzi Elmi Kitabxanasında Nizami Gən...

2019-06-12 08:50:53

CƏMİYYƏT
Şanlı tarix: müstəqillik və inkişaf yolu...
Şanlı tarix: müstəqillik və inkişaf yolu...

28 May – Respublika Günü münasibətilə rəsmi qəbulda çıxışı zamanı Prezident İ...

İQTİSADİ

2019-06-14 22:40:47

İQTİSADİ
SOCAR-ın AMEA ilə əməkdaşlığı çərçivəsi...
SOCAR-ın AMEA ilə əməkdaşlığı çərçivəsi...

Bu gün SOCAR-ın prezidenti Rövnəq Abdullayev və Şirkət rəhbərliyinin nümayənd...

2019-06-13 18:40:16

İQTİSADİ
Yohannes Han: “Azərbaycan Avropanı Avras...
Yohannes Han: “Azərbaycan Avropanı Avras...

Fact-info.az-ın APA-ya istinadən xəbərinə görə, bunu Avropa İttifaqının Avrop...