MƏDƏNİ
A- A A+

Gürcüstanda beynəlxalq xalça sərgisi

2016-06-09 09:25:01

Gürcüstanın Axalsıx şəhərindəki Rabat qalasında beynəlxalq xalça sərgisi açılacaq.

Sərgidə dünyanın bir çox ölkəsindən xalçaçılıq nümunələri nümayiş olunacaq. Ölkəmizi bu sərgidə Tbilisidəki M.F.Axundzadə adına Azərbaycan Mədəniyyəti Muzeyi təmsil edəcək.
Muzeyin direktoru Leyla Əliyeva AZƏRTAC-a müsahibəsində deyib: “Gürcüstanın Mədəniyyət və Abidələrin Bərpası Nazirliyinin təşkil etdiyi sərgidə bir neçə ölkənin xalçaçılıq sənəti nümunələri, eləcə də, bu günədək şəxsi kolleksiyalarda saxlanılan xalçaların eskizləri nümayiş etdiriləcək. Muzeyimiz tərəfindən bu sərgidə 30-dan çox Azərbaycan xalçası təqdim ediləcək. Bununla yanaşı, muzeyin nəzdindəki xalçaçılıq dərnəyinin şagirdlərinin əl işləri, xalça ornamentləri, xalçaçılığa dair kitablar və digər yazılı ədəbiyyat nümayiş olunacaq. Mədəniyyət Muzeyi sərgidə əsasən Borçalı elində toxunmuş Qarabağ, Qarayazı, Qaraçöp, Ləmbəli, Təbriz xalça növlərini nümayiş etdirəcək”.
L.Əliyeva bildirib ki, rəhbərlik etdiyi muzey Azərbaycan mədəniyyətini inkişaf etdirmək, gələcək nəsillərə çatdırmaq, eləcə də dünya ictimaiyyətini məlumatlandırmaq üçün xüsusi layihə hazırlayıb.
Azərbaycan Mədəniyyəti Muzeyi 2011-ci ildən xalça ustası və iş adamı Emzar Məmmədzadə ilə birgə Gürcüstanın azərbaycanlılar yaşayan bölgələrində xüsusi layihə həyata keçirir. Layihəyə əsasən bölgələrimizdə yaşayan azərbaycanlı xalça ustaları işə cəlb olunurlar. Onların toxuduqları xalçalar hazırda dünyanın bir çox ölkələrində keçirilən sərgilərdə nümayiş etdirilir. Bu sərgidə də xalçaçılarımızın əl işləri nümayiş olunacaq. Elə həmin ildən muzeydə də xalçaçılıq dərnəyi açılıb. Bu dərnək Gürcüstanın Mədəniyyət və Abidələrin Mühafizəsi Nazirliyi tərəfindən maliyyələşdirilir.
“Bizim xalçalarımız UNESCO-nun mədəni irs siyahısına da daxil edilib”, - deyə muzeyin direktoru vurğulayıb.
L.Əliyevanın sözlərinə görə, sərgiyə çıxarılan xalçalar təmiz yundan əyrilmiş saplarla toxunub, təbii boyalarla boyanıb. Buna görə də Azərbaycan xalçalarına maraq böyükdür.
Muzeyin direktoru onu da bildirib ki, sərgi çərçivəsində Rabatda xalçaçılığa dair simpozium da keçiriləcək. Simpoziumda Azərbaycanın Mədəniyyət və Turizm Nazirliyinin və Xalça Muzeyinin əməkdaşlarının iştirakı nəzərdə tutulub.
Qeyd edək ki, Rabat qalası IX əsrə aid tarixi abidədir.
2012-ci ildə bərpa olunduqdan sonra bu qala turistlərin ən çox gəldikləri ərazilərdən birinə çevrilib. Qala ümumilikdə 7 hektar ərazini əhatə edir. Qala özündə gürcü, ərəb, bizans, türk və rus memarlıq ənənələrini birləşdirir.


Kateqoriya : MƏDƏNİ Baxış sayı : 1219

QHT və MEDİA

2020-03-31 08:25:41

QHT və MEDİA
Fərasət Qurbanov: QHT-lər ən çətin məqam...
Fərasət Qurbanov: QHT-lər ən çətin məqam...

QHT-lər hər zaman Cənab Prezidentin çağırış və tövsiyələrinə dəstək verib, ən...

2020-03-29 18:55:57

QHT və MEDİA
Səfir: Saxta “erməni soyqırımı” mövzusun...
Səfir: Saxta “erməni soyqırımı” mövzusun...

Erməni millətçi dairələrinin Azərbaycan xalqına qarşı törətdikləri soyqırımı ...

CƏMİYYƏT

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...