SİYASƏT
A- A A+

İzmirdə keçirilən“Efes-2016” təlimində Azərbaycan da təmsil olunub

2016-06-02 08:45:35

Türkiyənin İzmir vilayətində iki ildən bir keçirilən ənənəvi “Efes” hərbi təlimlərinə bu il ilk dəfə olaraq dost və müttəfiq ölkələrin hərbçiləri də qatılıblar

İzmirdə təşkil olunan brifinqdə məlumat verilib ki, mayın 4-də başlayan bir aylıq təlimlərdə Türkiyə ilə yanaşı, Azərbaycan, ABŞ, Almaniya, Pakistan, Polşa, Qətər və Səudiyyə Ərəbistanının silahlı qüvvələrinin birlikləri də iştirak edir.

Türkiyədən təlimlərə Silahlı Qüvvələrin Baş Qərargahı, Quru Qoşunları, Hərbi Dəniz və Hava Qüvvələri komandanlığı, Jandarma Qüvvələri ilə yanaşı, Xarici İşlər, Səhiyyə nazirlikləri də daxil olmaqla bir sıra mülki qurumlar da cəlb olunub. Ümumilikdə təlimlərdə 7500 nəfər iştirak edir ki, bunun da 900-ü xarici ölkələrin hərbçisidir.

Təlimlərin yekun mərhələsində təşkil edilən yüksək səviyyəli müşahidə gününə bir sıra ölkələrin müdafiə nazirləri, silahlı qüvvələrin baş qərargah rəisləri və yüksək rütbəli hərbçilər dəvət olunublar. Bu tədbirdə Azərbaycanın müdafiə naziri, general-polkovnik Zakir Həsənov da iştirak edib.

Əvvəlcə qonaqlar Türkiyədə müdafiə sənayesi sahəsində fəaliyyət göstərən müəssisələrin və nəhəng şirkətlərin ən müasir məhsullarının nümayiş etdirildiyi sərgi ilə tanış olublar. Daha sonra onlar Təlim İdarəetmə Mərkəzində hərbi təlimin gecə şəraitində keçirilən hissəsini izləyiblər. Ümumilikdə 79 ölkədən hərbi müşahidəçilərin izlədikləri gecə fəaliyyət proqramı çərçivəsində verilən tapşırıqlar uğurla yerinə yetirilib.

Ertəsi gün Prezident Rəcəb Tayyib Ərdoğan, Baş nazir Binəli Yıldırım və digər rəsmi şəxslər də təlimlərə baxıblar. Məlumat verilib ki, təlimlərin məqsədi iştirakçı birlik və qərargahların birgə əməliyyatının komanda nəzarət və təminat sahələri də daxil olmaqla, planlaşdırma və qarşılıqlı əməkdaşlıq şəraitində işləmək qabiliyyətinin inkişaf etdirilməsidir. Müəyyən edilmiş ssenari əsasında müxtəlif qoşun növləri, texnika və silahlardan istifadə olunmaqla həyata keçirilən əməliyyatlar yüksək qiymətləndirilib.

 Azərbaycan Silahlı Qüvvələrinin təlimlərə qatılan 30 nəfərlik heyəti əməliyyatların böyük əksəriyyətinə cəlb edilib. Silahlı Qüvvələrimizin hərbi qulluqçuları təlimlər çərçivəsində keçirilən və iştirakçıların müxtəlif hərbi və fiziki hazırlığının nümayiş etdirildiyi yarışın qalibi olublar.


Kateqoriya : SİYASƏT Baxış sayı : 742

QHT və MEDİA

2019-08-16 12:55:45

QHT və MEDİA
Sərhəd Mühafizəsinin 100-cü ildönümü...
Sərhəd Mühafizəsinin 100-cü ildönümü...

"Report" xəbər verir ki, Azərbaycan Sərhəd Mühafizəsinin 100-cü ildö­nümü mün...

2019-08-16 09:10:38

QHT və MEDİA
Dağlıq Qarabağ bölgəsinin azərbaycanlı i...
Dağlıq Qarabağ bölgəsinin azərbaycanlı i...

Azərbaycan Respublikası Dağlıq Qarabağ bölgəsinin azərbaycanlı icması Ermənis...

CƏMİYYƏT

2019-08-17 11:20:15

CƏMİYYƏT
Dünyanı fəth edən ecazkar səs
Dünyanı fəth edən ecazkar səs

Hər bir bəşər övladının ölümündən sonrakı vaxt axarında böyük bir boşluq yara...

2019-08-14 16:15:54

CƏMİYYƏT
Nəsimi haqqında “Son gecə” filmi çəkilib...
Nəsimi haqqında “Son gecə” filmi çəkilib...

AzTV-nin Sosial media və ictimaiyyətlə əlaqələr şöbəsindən Modern.az-a verilə...

İQTİSADİ

2019-08-13 08:40:17

İQTİSADİ
İkinci Xəzər İqtisadi Forumu keçiriləcək...
İkinci Xəzər İqtisadi Forumu keçiriləcək...

İkinci Xəzər İqtisadi Forumu 2020-ci ildə Həştərxanda keçiriləcək. Trend-in m...

2019-08-08 12:35:16

İQTİSADİ
Hacı Zeynalabdin Tağıyevin hesabatı nəşr...
Hacı Zeynalabdin Tağıyevin hesabatı nəşr...

Böyük xeyriyyəçi Hacı Zeynalabdin Tağıyevin 1889-cu ildə “Kaspi” qəzetində ru...