SİYASƏT
A- A A+

Avropa Birliyi Qarabağa görə Ermənistanı 15 milyon avro cəzalandırdı

2016-05-14 11:55:48

Eyni gündə iki beynəlxalq təşkilat İrəvana qarşı bəyanat səsləndirib

Avropa Birliyi (AB) ölkələri Ermənistana əvvəlcədən razılaşdırılmış 15 milyon avronu verməkdən imtina edib.

AB təmsilçiləri razılaşmanın pozulmasını Ermənistanda «korrupsiyaya qarşı real mübarizənin olmaması» ilə əsaslandırsa da, ölkə rəhbərliyinin təmsilçiləri Avropanın bu addımını Qarabağ münaqişəsi ilə əlaqəli olduğunu bildirirlər. 

"Əgər biz konkret addımlar görməsək, həmin pullar son ünvana çatmayacaq".

Avropa ölkələrinin bu qərarını AB-nin Ermənistandakı səfiri Pyotr Svitalski bu gün İrəvanda korrupsiya və vətəndaşın ictimai-siyasi həyatda iştirakı ilə bağlı keçirilmiş "Hökumət - vətəndaş cəmiyyəti" forumu çərçivəsində elan edib: "Biz əminik ki, Ermənistan vətəndaşları da hökumətdən real fəaliyyət və nəticələr gözləyirlər. Biz hakimiyyət üçün vəsait ayırdıq, … onlar hələ paylanmayıblar və istifadə edilməyiblər. Bundan əlavə, əgər biz konkret addımlar görməsək, həmin pullar son ünvana çatmayacaq".

Avropalı diplomat Ermənistan baş naziri Ovik Abramyanın Ermənistan  iqtisadiyyatında inhisarçılığın rolunun güclənməsi barədə dünən etdiyi çıxışı xatırladıb. Mayın 12-də hökumət iclasında çıxış edən Ermənistan baş naziri dördgünlük aprel döyüşlərinin ölkənin problemlərini ortaya çıxardığını bildirib. Ovik Abramyan həmin problemlər sırasında korruprsiyaya qarşı mübarizənin yetərincə olmamasını, ordunun çağdaş tələblərə cavab verməməsini və s. bildirmişdi, Pyotr Svitalski də Ermənistanda korruprsiyaya qarşı mübarizənin yetərincə olmamasını göstərmək üçün baş nazirin bu çıxışına istinad edib.

Lakin Ermənistan rəsmiləri Pyotr Svitalskinin əsas kimi göstərdiyi bu arqumentlə razılaşmırlar. Elə Ovik Abramyanın rəhbərliyi ilə ötən il yaradılmış koorusi ya ilə mübarizə şurasının adının açıqlanmasını istəməyən üzvü Rusiyanın «Kolokol Rossii» portalına bildirib ki, Avropa Birliyinin kreditdən imtinasının kökündə Ermənistan parlamentində Dağlıq Qarabağın müstəqilliyinin tanınması məsələsinin qaldırılması, həmçinin Ermənistan Silahlı Qüvvələrinin Qarabağ miünaqişəsində iştirakı durur. Yəni Avropa Birliyi Ermənistanın bu addımlarına qarşı çıxır. 
Maraqlıdır ki, həmin tədbirdə korrpusiyaya qarşı mübarizə üzrə beynəlxalq«Transparency International» təşkilatının nümayəndəsi Varujan Oktanyan da çıxış edərək aprel döyüşlərindən danışıb: «Əgər belə davam edəcəksə, bu, dövlət müstəqilliyinin itirilməsi ilə nəticələnəcək. Aprel müharibəsi bunu göstərdi».

"Bu, dövlət müstəqilliyinin itirilməsi ilə nəticələnəcək. Aprel müharibəsi bunu göstərdi".

Bütün bunlar göstərir ki, hətta Azərbaycanla soyuq münasibətləri olan beynəlxalq təşkilatlar Ermənistanın Dağlıq Qarabağda apardığı işğalçıq siyasətinə qarşı çıxırlar. Bu mövqe aprel döyüşləri günlərində Ermənistan prezidenti Serj Sarkisyanı qəbul etmiş Almaniya kansleri Angela Merkel tərəfindən də səsləndirilmişdi. Merkel münaqişənin Azərbaycanın ərazi bütövlüyü çərçivəsində nizamlanmasının vacib olduğunu bildirmişdi.

Beynəlxalq təşkilatların bu mövqeyini Azərbaycanın xarici siyasətinin uğuru kimi dəyərləndirmək olar. Hələ 1990-cı illərdən erməni lobbisi aktiv iş apararaq münaqişəni milli-azadlıq hərəkatı kimi təqdim etməyə çalışırdı və bu sahədə müəyyən uğurlar əldə etmişdi. Buna misal kimi ABŞ Konqressi tərəfindən Azərbaycana qarşı qəbul edilmiş 907-ci düzəlişi və s. göstərmək olar. Amma belə görünür ki, son illərdə Azərbaycan öz haqlı səsini müəyyən qədər beynəlxalq birliyə çatdıra bilib. Rəsmi Bakı bu fəaliyyətin bir qədər də dərinləşdirməklə öz ərazi bütövlüyünü hərb yolla təmin etmək üçün beynəlxalq səviyyədə legitim dəstəyə nail ola bilər. (ANS PRESS)

 

 


Kateqoriya : SİYASƏT Baxış sayı : 621

QHT və MEDİA

2018-10-20 07:35:04

QHT və MEDİA
Şura 2019-cu ilin qrant müsabiqəsinin mö...
Şura 2019-cu ilin qrant müsabiqəsinin mö...

İclasda çıxış edən Şura Katibliyinin icraçı direktoru Fərasət Qurbanov Şuranı...

2018-10-19 09:10:04

QHT və MEDİA
Rusiyalı tarixçi: Ermənistanda faşizmin ...
Rusiyalı tarixçi: Ermənistanda faşizmin ...

Məsələn, Bolqarıstanda erməni nasisti Qaregin Njdenin abidəsinin qoyulması qe...

CƏMİYYƏT

2018-10-20 07:40:59

CƏMİYYƏT
ABŞ-ın “The Daily Caller” qəzeti Erməni...
ABŞ-ın “The Daily Caller” qəzeti Erməni...

ABŞ Prezidentinin milli təhlükəsizlik məsələləri üzrə müşaviri Con Boltonun g...

2018-10-19 08:55:04

CƏMİYYƏT
Cümhuriyyətin naziri Əbdüləli bəy Əmirca...
Cümhuriyyətin naziri Əbdüləli bəy Əmirca...

O, 1876-1883-cü illərdə buradakı məktəbdə təhsil aldıqdan sonra Tiflisə getmi...

İQTİSADİ

2018-10-19 23:45:29

İQTİSADİ
Hikmət Hacıyev: "Star" neft emalı zavodu...
Hikmət Hacıyev: "Star" neft emalı zavodu...

Trend-in məlumatına görə, bunu Azərbaycan Prezidenti Administrasiyasının Xari...

2018-10-17 08:45:39

İQTİSADİ
Arif Paşayev: "Azərbaycan dünyanın azsay...
Arif Paşayev: "Azərbaycan dünyanın azsay...

Azərbaycan dünyanın azsaylı kosmik ölkələri sırasına daxil olub. Bunu “CanSat...