SİYASƏT
A- A A+

Avropa Parlamentində Ermənistan silahlı qüvvələrinin Azərbaycan ərazilərindən çıxarılması tələb edilib

2016-04-23 10:45:20

Dinləmələr

Avropa Parlamentində Azərbaycan-Ermənistan, Dağlıq Qarabağ münaqişəsinə dair Avropa üzrə Liberallar və Demokratlar Alyansı siyasi qrupunun üzvləri İvo Vayql (Sloveniya) ve Hannu Takkulanın (Finlandiya) təşəbbüsü ilə “Dağlıq Qarabağda çəkişmələrin eskalasiyası: Aİ üçün narahatlığa səbəb?” mövzusunda dinləmələr keçirilib. Tədbirdə həmçinin AP-nin digər üzvləri Norika Nikolai (Rumıniya), İveta Qriqule (Latviya) və Anneli Yaatenmaki (Finlandiya) iştirak ediblər.

Tədbiri giriş sözü ilə açan İ.Vayql Azərbaycan-Ermənistan, Dağlıq Qarabağ münaqişəsinin tezliklə həll olunmasının vacibliyini vurğulayıb, eləcə də Azərbaycanın Ağdam rayonunda yerləşən köçkün şəhərciyinə səfərini yada salıb. O, Aİ-nin bu məsələyə ən yüksək siyasi səviyyədə daha böyük diqqət ayırmasının zəruriliyini vurğulayıb.

Münaqişənin hələ də öz həllini tapmamasını qeyd edən H.Takkula erməni təcavüzünün nəticələrinə diqqət çəkib, eləcə də Ermənistan silahlı qüvvələrinin Azərbaycanın işğal olunmuş ərazilərindən çıxarılmalı olduğunu bildirib.

Norika Nikolai BMT Təhlükəsizlik Şurasının 4 qətnaməsinin işğal altında olan Azərbaycan torpaqlarının azad olunmasını tələb etdiyini vurğulayıb və münaqişənin həlli prosesinin beynəlxalq hüquqa əsaslanmalı olduğunu önə çəkib.

Aİ-nin aparıcı tədqiqat qurumu sayılan Avropa Siyasət Mərkəzinin nümayəndəsi (European Policy Centre) münaqişənin həlli üçün Qərbin hərəkətə keçməli olduğunu, Ermənistanın bilərəkdən münaqişənin həllini uzatdığını bildirib.

Ekspert kimi dəvət olunmuş digər tədqiqatçı Denis Samut Şərq tərəfdaşlığı ölkələrində cərəyan edən münaqişələrlə bağlı Qərbi ayıq-sayıq olmağa çağırıb.

AZƏRTAC-ın Almaniya və Belçikada üzrə xüsusi müxbiri Vüqar Seyidov çıxışında son günlər Ermənistan və Azərbaycan qoşunlarının təmas xəttində baş verən hadisələrdən, erməni qoşunlarının Azərbaycan ordusunun mövqelərinə qarşı həyata keçirdiyi təxribat xarakterli həmlələrdən, təmas xətti boyunca dinc yaşayış məntəqələrinin intensiv atəşə məruz qalmasından danışıb, sakinlər arasında ölən və yaralananların olduğunu deyib. Həmçinin Ermənistan-Azərbaycan, Dağlıq Qarabağ münaqişəsinin müasir dövrü əhatə edən tarixi və bununla bağlı ölkəmizin mövqeyi barədə tədbir iştirakçılarına məlumat verilib.

Dinləmələr zamanı Ermənistan tərəfini təmsil edən bir sıra şəxslərin tədbirin gedişatına təsir etmək cəhdlərinə baxmayaraq, onlar buna nail ola bilməyiblər, iştirakçıların səsləndirdikləri fikirlərdə işğal faktı öz əksini tapıb.

 

 


Kateqoriya : SİYASƏT Baxış sayı : 1273

QHT və MEDİA

2020-06-04 11:05:08

QHT və MEDİA
Dövlətçilik tariximizin parlaq səhifəsi...
Dövlətçilik tariximizin parlaq səhifəsi...

O illərdə xalqımızın qabaqcıl şəxsiyyətləri, mütəfəkkir adamları, ziyalıları ...

2020-06-03 09:15:29

QHT və MEDİA
Şura qrant müsabiqəsi elan edir
Şura qrant müsabiqəsi elan edir

Azərbaycan Respublikasının Prezidenti yanında Qeyri-Hökumət Təşkilatlarına Dö...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...