SİYASƏT
A- A A+

Erməni təxribatları ilə bağlı həqiqətlər avropalı parlamentarilərin diqqətinə çatdırılıb

2016-04-19 09:50:31

Avropa Şurası Parlament Assambleyasının (AŞPA) yaz sessiyasının plenar iclasında

Qoşunların təmas xəttində son günlər baş vermiş hadisələrə görə ölkəmizi ittiham etməyə cəhd göstərən ermənistanlı deputat Samvel Farmanyana cavab verən Azərbaycan nümayəndə heyətinin üzvü Qənirə Paşayeva erməni parlamentaridən Ermənistan əsgərlərinin Azərbaycan torpaqlarında nə işi olduğunu soruşmağı tələb edib.

Q.Paşayeva əslində bugünkü iclasda terrora qarşı birgə mübarizənin gücləndirilməsinin, eləcə də mədəniyyətlərarası dialoqun genişlənməsinin önəmindən danışmağı planlaşdırdığını bildirib. Ancaq Ermənistan nümayəndə heyətinin üzvü S.Farmanyanın Azərbaycan əleyhinə söylədiyi yalanlara, ittihamlara cavab vermək, gerçəkləri parlamentarilərə çatdırmaq üçün çıxışını dəyişməyi qərara aldığını söyləyib. O, işğalçı Ermənistan hərbiçilərinin qətlə yetirdiyi 16 yaşlı Turanə Həsənlinin anasının, oğlunun gözləri önündə öldürülən Qaraş Dadaşovun ailəsinin və son günlərdə cəbhə xəttində erməni əsgərlərinin atəşkəsi pozaraq qətlə yetirdikləri və yaraladıqları, evlərini dağıtdıqları onlarla mülkü azərbaycanlı ailəsinin çağırışlarını parlamentarilərə çatdırmaq istədiyini bildirib. Azərbaycanlı deputat aprel ayında Ermənistanın atəşkəsi pozduğunu, mülki azərbaycanlıları, kəndlərı hədəfə alaraq bir neçə dinc vətəndaşı qətlə yetirdiyini, çoxlu sayda evləri dağıtdığını bildirib. O, bütün bunları sübut edən fotolar və videoların olduğunu qeyd edib. Bildirib ki, bu gün burada erməni deputatlar yalan danışaraq dünya ictimaiyyətini aldatmağa çalışır. Aprelin əvvəlindəki hadisələr Ermənistanın işğal etdiyi Azərbaycan torpaqlarında baş verib. Həmin gərginliklər zamanı mülki əhalini qoruyaraq həlak olan Azərbaycan əsgərləri öz torpaqlarını qoruyurdular. Bəs Ermənistanın hərbiçiləri orada nə gəzirdilər?! Q.Paşayeva Parlament Assambleyasını bu məsələyə daha çox diqqət ayırmağa, işğalın bitməsi üçün daha çox səy göstərməyə və işğalçı Ermənistana təzyiq göstərməyə və ədalətin yanında olmağa çağırıb.(AZƏRTAC)

 

 


Kateqoriya : SİYASƏT Baxış sayı : 782

QHT və MEDİA

2019-03-19 10:05:59

QHT və MEDİA
Şura yeni elektron xidmətlə bağlı məluma...
Şura yeni elektron xidmətlə bağlı məluma...

Prezident yanında Qeyri-Hökumət Təşkilatlarına Dövlət Dəstəyi Şurasının mətbu...

2019-03-18 11:10:25

QHT və MEDİA
Prezident İlham Əliyevin əfv Sərəncamı ...
Prezident İlham Əliyevin əfv Sərəncamı ...

Demokratik dəyərlərin başlıca meyarlarından sayılan insan hüquq və azadlıqla...

CƏMİYYƏT

2019-03-19 09:25:00

CƏMİYYƏT
Yaponiyada Azərbaycanla bağlı kitab nəşr...
Yaponiyada Azərbaycanla bağlı kitab nəşr...

Kitabın müəllifi Yaponiya ilə Azərbaycan arasında dostluq münasibətlərinin i...

2019-03-14 08:55:42

CƏMİYYƏT
Münaqişənin həlli ilə bağlı politoloji t...
Münaqişənin həlli ilə bağlı politoloji t...

Beynəlxalq təşkilatlar, ATƏT-in Minsk qrupunun həmsədrləri heç zaman Dağlıq Q...

İQTİSADİ

2019-03-19 10:55:48

İQTİSADİ
Nazirlər Kabinetinin illik hesabatı: sis...
Nazirlər Kabinetinin illik hesabatı: sis...

Milli Məclisin deputatları hesabatı maraqla qarşılayıblar. Baş nazir sisteml...

2019-03-18 08:35:58

İQTİSADİ
Azərbaycan üzərindən keçən tranzit layih...
Azərbaycan üzərindən keçən tranzit layih...

Bakının neft sənayesinin beşiyi olduğunu xatırladan Pərviz Şahbazov bir əvvəl...