TƏDQİQATLAR
A- A A+

III Beynəlxalq soyqırımları elmi konfransı keçiriləcək

2016-04-07 12:15:53

Tədbir

Azərbaycan Milli Elmlər Akademiyasının (AMEA) Rəyasət Heyəti, AMEA-nın Tarix İnstitutu, Türkiyə Cümhuriyyətinin Atatürk Araşdırma Mərkəzi (ATAM) və Şamaxı Rayon İcra Hakimiyyətinin birgə təşkilatçılığı ilə "Azərbaycan və Şərqi Anadoluda türk-müsəlman əhaliyə qarşı soyqırımları (1914-1920-ci illər)" adlı III Beynəlxalq elmi konfrans keçiriləcək.

Tarix İnstitutunun mətbuat xidmətindən verilən məlumata əsasən, beynəlxalq elmi konfrans "Birinci Dünya müharibəsi illərində Qafqaz regionunda soyqırımlar", "Şimali Azərbaycanda türk-müsəlman əhaliyə qarşı soyqırımlar (1918-1920-ci illər)" və "Şərqi Anadolu, Urmiya və Salmas bölgələrində türk-müsəlman əhaliyə qarşı soyqırımlar (1914-1920-ci illər)" adlı üç bölmədə fəaliyyət göstərəcək.

Konfransı giriş sözü ilə AMEA-nın prezidenti, akademik Akif Əlizadənin açacağı, daha sonra plenar iclasda AMEA-nın vitse-prezidenti, akademik İsa Həbibbəyli, AMEA-nın İctimai Elmlər Bölməsinin akademik-katibi, AMEA-nın müxbir üzvü Nərgiz Axundova, Tarix İnstitutunun direktoru, AMEA-nın müxbir üzvü Yaqub Mahmudov, Atatürk Araşdırma Mərkəzinin başqanı Mehmet Ali Beyhan, AMEA-nın Naxçıvan Bölməsinin sədri, akademik İsmayıl Hacıyev, Şamaxı Rayon İcra Hakimiyyətinin başçısı Asif Ağayev və başqalarının çıxış edəcəkləri gözlənilir.

Konfransda Azərbaycan tarixçiləri ilə yanaşı, dünyanın müxtəlif ölkələrindən - Albaniya, Almaniya, Türkiyə, Rusiya (o cümlədən Moskva şəhəri, Tatarıstan Respublikası və Şimali Qafqazın bir sıra respublikaları), Özbəkistan, Gürcüstan və Polşadan olan alimlər elmi məruzələrlə çıxış edəcəklər. 

Konfrans iştirakçıları Şamaxının tarixi yerləri ilə, o cümlədən 1918-ci ildə erməni vandalları tərəfindən dağıdılmış və ölkə başçısının göstərişi ilə yenidən təmir olunub istifadəyə verilmiş Şamaxı Cümə məscidi ilə tanış olacaqlar.(trend)

Beynəlxalq konfrans iştirakçıları tərəfindən dünya ictimaiyyətinə müraciət qəbul olunacağı nəzərdə tutulur.

Konfransa təqdim olunmuş məqalələr "AMEA Tarix İnstitutunun Elmi Əsərlərinin Xüsusi buraxılışı" şəklində çap olunub və konfrans iştirakçılarına təqdim olunacaq.

 Xatırladaq ki, "Azərbaycan və Şərqi Anadoluda türk-müsəlman əhaliyə qarşı soyqırımları (1914-1920-ci illər)" adlı I və II beynəlxalq konfranslar Quba şəhərində ölkə başçısının göstərişi ilə ucaldılmış Soyqırım Memorial Kompleksində keçirilib.(qhtxeber)


Kateqoriya : TƏDQİQATLAR Baxış sayı : 1133

QHT və MEDİA

2020-07-04 17:00:04

QHT və MEDİA
QHT Şurasının dəstəyilə Milli Qəhrəman M...
QHT Şurasının dəstəyilə Milli Qəhrəman M...

Azərbaycan Respublikasının Prezidenti yanında Qeyri-Hökumət Təşkilatlarına Dö...

2020-07-04 10:00:19

QHT və MEDİA
Professor Hüseyin Bağcı: Azərbaycanın ql...
Professor Hüseyin Bağcı: Azərbaycanın ql...

Prezident İlham Əliyevin yeni növ koronavirus (COVID-19) pandemiyası ilə bağl...

CƏMİYYƏT

2020-07-06 08:45:47

CƏMİYYƏT
Ellər unutmayıb o sənətkarı...
Ellər unutmayıb o sənətkarı...

H.Hüseynov 1927-ci ildə Kürdəmir rayonunun Muradxan kəndində anadan olub. Or...

2020-06-30 07:50:04

CƏMİYYƏT
Cərimələrin qaldırılması ilə bərabər mən...
Cərimələrin qaldırılması ilə bərabər mən...

Əgər pandemiya ilə mübarizədə maarifçilik işi effekt vermirsə , o zaman cəri...

İQTİSADİ

2020-07-06 08:00:56

İQTİSADİ
"Azərbaycan beynəlxalq nəqliyyat-kommuni...
"Azərbaycan beynəlxalq nəqliyyat-kommuni...

“Prezident İlham Əliyevin uğurlu xarici siyasəti nəticəsində hətta pandemiya ...

2020-07-01 11:25:59

İQTİSADİ
Davamlı inkişaf məqsədləri indeksinə gör...
Davamlı inkişaf məqsədləri indeksinə gör...

Azərbaycan “Davamlı inkişaf hesabatı - 2020” sənədində dünyanın 166 ölkəsi ar...