2022-06-08 08:25:29 | QHT VƏ MEDİA
Fransanın “Muselmansenfrance” portalında alban həvari kilsəsinin tarixindən bəhs edən məqalə dərc olunub

Fransanın “Musulmansenfrance” portalında Azərbaycanın alban həvari kilsəsinin tarixindən bəhs edən məqalə dərc olunub.

Fact-info.az xəbər verir ki, məqalədə Azərbaycan tarixinin qədim dövrü və erkən orta əsrlər mədəniyyətinin daşıyıcısı olmuş alban həvari kilsəsinin Qafqazın ən qədim kilsələrindən olduğu bildirilir. Xristianlığın Azərbaycan ərazisində yayılması tarixindən bəhs olunan məqalədə ölkə ərazisindəki alban abidələri haqqında məlumat verilib.

Məqalədə ermənilərin qədim alban kilsəsi və abidələrini erməniləşdirməyə çalışmasına xüsusi diqqət çəkilib. Bildirilib ki, alban həvari kilsəsinin maddi-mədəni irsinə, daha sonra bu irsin qorunub saxlandığı Azərbaycan torpaqlarına əsassız iddiaları üçün zəmin yaratmaq məqsədilə erməni-qriqorian kilsəsi XV əsrdən başlayaraq azərbaycanlılardan İrəvan ətrafındakı torpaqları almağa başlayır. 1431-ci ildə katolikos Qriqor Makulu Azərbaycanın iri torpaq mülkiyyətçisi Əmir Rüstəmdən İrəvan vilayətindəki 7 kəndi – Üçkilsə monastırının yerləşdiyi Üçkilsə kəndini, Qəmərli, Batrinc, Noraqavit, Ağunatun Kirəcli və Muğni kəndlərini 530 min Təbriz dinarına alıb və həmin kəndləri Üçkilsə monastırına bağışlayıb. Sonralar erməni-qriqorian kilsəsi azərbaycanlıların daha 16 kəndini, digər torpaq və mülklərini ələ keçirib. Erməni-qriqorian kilsəsi pərakəndə ermənilər üçün Azərbaycan torpaqlarında yeni yaşayış məskənləri yaratmaqla özünün köçəri icmasını Azərbaycanın tarixi torpağı olan İrəvan ərazisində yerləşdirməyə başlayıb. Həmin vaxtdan erməni-qriqorian kilsəsi katolikoslarının Üçkilsə monastırı ətrafındakı tarixi Azərbaycan torpaqlarını pulla alıb monastırın tərkibinə qatması ənənəyə çevrilib.

Vurğulanıb ki, Üçkilsə kəndində məskunlaşan dünya ermənilərinin katolikosu II Qriqori erməni dini mərkəzinin vəqf sərmayəsi hesabına soydaşlarının Azərbaycan kəndləri ətrafında torpaq alıb buraya köçməsini maliyyələşdirib, onlara kiçik kilsələr tikdirib. Beləliklə, ermənilərin Qafqazda guya qədimdən mövcudluğu barədə təsəvvür yaratmağa çalışıb.

Qeyd edilib ki, Rusiya imperatoru I Nikolayın 1836-cı il martın 11-də imzaladığı fərmanla avtokefal alban həvari kilsəsi erməni-qriqorian kilsəsinin idarəçiliyinə verilib. Beləliklə, alban həvari kilsəsinin maddi-mədəni irsinə nəzarət erməni-qriqorian kilsəsinin ixtiyarına keçdikdən sonra erməni millətçilərinin Azərbaycanın tarixi torpaqlarına qarşı əsassız iddialar qaldırmaları üçün münbit zəmin yaranıb. Eyni zamanda, erməni-qriqorian kilsəsi Rusiya hakim dairələrinin icazəsi ilə 1909-1910-cu illərdə alban həvari kilsəsinin arxivlərini məhv edərək Azərbaycanın tarixi irsinə və xalqımızın tarixi yaddaşına böyük zərbə vurub, məkrli siyasətini həyata keçirmək üçün aktiv fəaliyyətə başlayıb. Azərbaycanın tarixi torpaqlarına ərazi iddiası ilə çıxış etməyi qarşıya məqsəd qoyan erməni-qriqorian kilsəsi erməni millətçi partiyaları ilə birlikdə XX əsrin əvvəllərində Azərbaycana qarşı torpaq iddiaları irəli sürüb, qondarma “Dağlıq Qarabağ” problemini uydurub, yürütdüyü məkrli siyasət nəticəsində İrəvan mahalını zəbt edib.

Erməni xalqının Qafqaza gəlmə olduğunun vurğulandığı məqalədə qeyd edilib ki, ermənilərin uydurduğu saxta məlumatlar sabun köpüyündən başqa bir şey deyil.

Baxış sayı : 239
Azərbaycan QHT-ləri beynəlxalq təşkilatlara müraciət edib Laçın şəhərinə daxil olmadan yeni avtomobil yolunun tikintisi yekunlaşıb Şuşanın Yuxarı Gövhərağa məscidində erməni vandalizmini əks etdirən sənədli film çəkilir Ukraynada öldürülən rus hərbçilərin sayı 44 minə ÇATIR Fatma Yıldırım: Bu gün diktə edən tərəf qalib Azərbaycandır Azərbaycan və Türkiyə hərbçiləri birgə təlim keçir Şəhidlərin xatirəsinə həsr olunan anım mərasimləri keçirilib Fazil Mustafa: Prezident İlham Əliyevin son açıqlamaları tarixi-strateji əhəmiyyətə malikdir Zaur Məmmədov: Prezident İlham Əliyev müsahibəsində regiondakı proseslərə müdaxilə etmək istəyənlərə çox vacib mesajlar verdi Ərdoğan: “Türkiyə özünü əsas silah istehsalçısı və təchizatçısı kimi təsdiqləyib” Britaniyadakı Azərbaycan icması “Mehdinin Xidmətçiləri Birliyi”nin terrorçu təşkilat kimi tanınmasını tələb edir Şuşa ... Tarixi sükut nələr danışır - Solmaz Rüstəmova-Tohidi yazır Prezident İlham Əliyev AzTV-yə müsahibə verib "Azad edilmiş ərazilərdə kənd təsərrüfatı üçün çox münbit təbii şərait var" - Prezident Şuşa ilə bağlı yeni layihənin icrasına başlanılıb Azərbaycan Ordusu Buzdux və digər hakim yüksəkliklərdə mühəndis işləri görür Ukraynanın yenidən qurulması üçün beynəlxalq konfrans keçiriləcək "Tarix yazan oğullar" və "Qarabağın fatehləri" kitablarının təqdimatı keçirilib Laçın dəhlizi ətrafında yaranmış vəziyyət Üçtərəfli Bəyanatın 6-cı bəndi əsasında nizamlanmalıdır Rusiya ordusu bu qədər itki verib İşğaldan azad edilmiş ərazilərdə 42 abidə pasportlaşdırılıb “Ermənistan öhdəliklərinə zidd fəaliyyət göstərir və sülhə maneə törədir” - Ceyhun Bayramov Rafiq Quliyev: “Səsləndirilmiş fikirlərdən təşkilatçılar nəticə çıxarmalıdırlar” Agentlik QHT-lərlə online görüş keçirib