SİYASƏT
A- A A+

M.Krams: Latviyanın Dağlıq Qarabağ münaqişəsinə dair mövqeyi dəyişməzdir

2016-04-05 10:40:05

Latviya Xarici İşlər Nazirliyinin İkitərəfli Münasibətlər Direksiyasının rəhbəri Margers Krams Azərbaycanın bu ölkədəki müvəqqəti işlər vəkili Gəray Muradovla görüşüb

G. Muradov Latviya XİN təmsilçisinə Dağlıq Qarabağ münaqişəsi zonasında vəziyyətin gərginləşməsi ilə bağlı Azərbaycan XİN-in bəyanatı, habelə Daxili İşlər Nazirliyi və Baş Prokurorluğun birgə məlumatı haqqında ətraflı informasiya verib.

Azərbaycan diplomatı qoşunların təmas xəttində yaranan hərbi gərginlik barədə danışıb. O qeyd edib ki, Azərbaycanın hərbi hərəkətləri birtərəfli qaydada dayandırmaq barədə bəyanatına baxmayaraq, Ermənistan silahlı qüvvələri yaşayış məntəqələrini və mülki şəxsləri hədəfə götürüb, hücum və təxribat hərəkətlərini davam etdirirlər.

G.Muradov Latviya tərəfini Azərbaycanın ədalətli mövqeyini dəstəkləməyə çağırıb. Diplomat qeyd edib ki, Ermənistanın danışıqlar prosesində iştirakı yalnız imitasiyadır və beynəlxalq ictimaiyyəti yanıltmaq məqsədi daşıyır. Rəsmi İrəvan Azərbaycan ərazilərinin işğalı və ilhaqına əsaslanan hazırkı status-kvo vəziyyətini saxlamaq niyyəti güdür.

Direksiya rəhbəri M.Krams diqqətə çatdırıb ki, Latviya XİN-i bəyanatla çıxış edib. Həmin bəyanatda Azərbaycana və Ermənistana hərbi əməliyyatları dayandırmaq çağırışı edilib. Biz Dağlıq Qarabağ üzrə Minsk qrupunun və barışığın bərpa edilməsi üzrə üç həmsədrin səylərini dəstəkləyirik.

M.Krams bildirib ki, Dağlıq Qarabağda ağır döyüşlər regionda sülhə və sabitliyə təhdiddir. Diplomat bir daha vurğulayıb ki, Latviyanın Dağlıq Qarabağa dair mövqeyi dəyişməzdir. M.Krams hərbi qulluqçuların həlak olmasından təəssüfünü qeyd edib, həlak olmuş hərbçilərin doğmalarına və yaxınlarına başsağlığı verib.

G.Muradov diqqətə çatdırıb ki, yaranan vəziyyətə görə, bütün məsuliyyəti təcavüzkar və işğalçı ölkə kimi Ermənistan daşıyır. Ermənistanın təcavüzkar siyasəti dünyada gedən qlobal proseslər fonunda regiondakı sabitlik üçün təhlükə törədir. G.Muradov hüquq normaları, Azərbaycanın ərazi bütövlüyü və sərhədlərinin toxunulmazlığı prinsipləri çərçivəsində Dağlıq Qarabağ münaqişəsinin nizamlanması prosesində ədalətsizliyin aradan qaldırılması ilə konfliktin həll olunmasının vacibliyini qeyd edib. (AZƏRTAC)

 

 


Kateqoriya : SİYASƏT Baxış sayı : 842

QHT və MEDİA

2019-01-15 11:05:39

QHT və MEDİA
Vüsal Qasımlı: "Struktur islahatları ida...
Vüsal Qasımlı: "Struktur islahatları ida...

Bunu Trend-ə Prezident İlham Əliyev tərəfindən aparılan struktur islahatların...

2019-01-12 18:15:19

QHT və MEDİA
Azay Quliyev beynəlxalq təşkilatlara və ...
Azay Quliyev beynəlxalq təşkilatlara və ...

Fact-info.az xəbər verir ki, bunu ATƏT PA-nın vitse-prezidenti, millət vəkili...

CƏMİYYƏT

2019-01-16 09:30:10

CƏMİYYƏT
İsveçrə mediası 20 Yanvar hadisələrindən...
İsveçrə mediası 20 Yanvar hadisələrindən...

“Milli azadlıqla xalq matəmi arasında” sərlövhəli məqalədə 20 Yanvar faciəsin...

2019-01-14 08:30:18

CƏMİYYƏT
Akademik: 2019-cu ilin "Nəsimi ili" elan...
Akademik: 2019-cu ilin "Nəsimi ili" elan...

Bunu Trend-ə Milli Məclisin deputatı, AMEA akademik Ziya Bünyadov adına Şərqş...

İQTİSADİ

2019-01-14 20:25:40

İQTİSADİ
Müdafiə Sənayesi Nazirliyinin əsasında “...
Müdafiə Sənayesi Nazirliyinin əsasında “...

Fərmana əsasən, ölkədə dövlət idarəetmə strukturunu optimallaşdırmaq, müdafiə...

2019-01-13 13:40:27

İQTİSADİ
Neft tariximizə böyük ehtiram hissilə...
Neft tariximizə böyük ehtiram hissilə...

Azərbaycanda neftin sənaye üsulu ilə hasilatı XIX əsrin ortalarından başlanmı...