2022-05-22 08:45:08 | TƏDQİQATLAR-ANALITIKA
ABŞ postmüharibə reallığını Transxəzər regionu kontekstində qiymətləndirir

ABŞ Prezidenti Cozef Baydenin Azərbaycanın Müstəqillik Günü münasibətilə Prezident İlham Əliyevə ünvanladığı təbrik məktubu diqqətlə seçilmiş diplomatik ifadələr və xüsusi məzmunu ilə fərqlənir. Çünki məktubda həm 30 illik müddət ərzində ABŞ-Azərbaycan münasibətlərinin keçdiyi yola nəzər salınır, həm əldə edilən ortaq nailiyyətlərə vurğu edilir, həm də ikitərəfli və çoxtərəfli əməkdaşlığın perspektivləri ilə bağlı mühüm fikirlər irəli sürülür.

Bu sözləri AZƏRTAC-a açıqlamasında Milli Məclisin deputatı Hikmət Babaoğlu söyləyib.

Deputat qeyd edib ki, ABŞ Prezidenti, ilk növbədə, diqqəti hazırda dünyada baş verən mühüm geosiyasi proseslərə çəkərək, vaxtilə ABŞ və Azərbaycanın həyata keçirdiyi fəaliyyətin məhz indiki kritik mərhələdə öz bəhrəsini verdiyini dilə gətirir. Bildirilir ki, 30 il ərzində enerji mənbələrinin şaxələndirilməsi və beynəlxalq təhlükəsizlik sahələrində əməkdaşlıq tarixin mühüm anında öz bəhrəsini verir. Azərbaycan Avropa və dünya bazarlarının təhlükəsizliyinin təmin olunması və sabitləşdirilməsində önəmli rol oynayır. “Göründüyü kimi, bizim adətən Azərbaycanın regional təhlükəsizliyin təmin olunmasında mühüm rol oynaması kimi qiymətləndirdiyimiz gerçəkliyi ABŞ Prezidenti daha qlobal kontekstdə dəyərləndirir. İkinci mühüm aspekt isə ondan ibarətdir ki, ABŞ qlobal terrorizmə qarşı mübarizədə Azərbaycanın rolunu xüsusi qeyd edir. Şübhəsiz ki, buraya təkcə qlobal terrorizmə qarşı mübarizədə ABŞ-ın antiterror koalisiyasının dəstəklənməsi deyil, həm də Azərbaycanın regionda erməni terror ocağını darmadağın etməsi də daxildir”, - deyə H.Babaoğlu bildirib.

Deputatın sözlərinə görə, əgər bunların üzərinə C.Baydenin Azərbaycanın müstəqilliyini dəstəklədiyi ilə bağlı səsləndirdiyi fikirləri də əlavə etsək, ölkəmizin 44 günlük müharibədən sonra yaratdığı yeni reallığın ABŞ tərəfindən dəstəkləndiyini əminliklə deyə bilərik. Digər mühüm məsələ isə Ermənistanla Azərbaycan arasında mümkün sülhlə bağlı dünyanın supergüc dövlətinin rəhbərinin fikirləridir. Bu məsələ xüsusilə diqqət çəkir. Azərbaycan ilə Ermənistan arasında diplomatik təmasların intensivləşdirilməsinə, Azərbaycanın iqtisadi, nəqliyyat və insanlararası əlaqələrinin qurulmasına kömək etməyə hazır olduğunu bildirən Cozef Bayden Amerika Birləşmiş Ştatlarının bütün Qafqaz və Transxəzər regionunun çiçəklənməsində maraqlı olduğunu diqqətə çatdırıb.

Hikmət Babaoğlu qeyd edib ki, bizim, sadəcə, Qafqaz regionunda əməkdaşlıq perspektivləri kimi qiymətləndirdiyimiz postmüharibə reallığını ABŞ daha geniş miqyasda, Transxəzər regionu kontekstində dəyərləndirir. Bu, əslində, Azərbaycanın regionun gələcəyində oynayacağı mühüm rola işarədir. Ona görə də məktubda gələcək onilliklərdə də ABŞ-Azərbaycan əməkdaşlığına ehtiyac olduğu bildirilir.

Baxış sayı : 179
Azərbaycan və Türkiyə hərbçiləri birgə təlimlər keçib Zelenski azad edilən yaşayış məntəqələrinin sayını açıqlayıb Azərbaycan Transxəzər Beynəlxalq Nəqliyyat Marşrutunun səmərəli istifadəsinə səy göstərir Zakir Həsənov revanşist qüvvələrin təxribatlarının qarşısını almağa hazır olmaqla bağlı tapşırıqlar verib Azərbaycanda hərbi xidmətə növbəti çağırış başlayıb Sevil Mikayılova: Azərbaycan azad olunmuş əraziləri bərpa etməklə yanaşı, həm də beynəlxalq nəqliyyat əlaqələrinin inkişafı üçün əsaslı işlər görür Türk dövlətlərinin təhlükəsizlik şuralarının katibləri Ankara və İstanbulda bir araya gəliblər Şuşa adından istifadə qaydası müəyyənləşib "Discovery" telekanalı azad edilmiş Ağdam şəhərinə videoreportaj həsr edib Azərbaycan Ordusunun Komando bölmələrində təlim məşqləri keçirilir - Video Ukrayna Rusiyanın bir milyard dollarlıq əmlakına həbs qoyub 7000 nəfərə "Müharibə veteranı" adının verilməsi ilə bağlı qərar qəbul edilib “İlham Əliyev. İnkişaf - məqsədimizdir” çoxcildliyinin 118-ci kitabı çapdan çıxıb "Şuşa İli"nə həsr olunmuş muğam festivalına yekun vurulub “Ordümüz Gücümüzdür”Silahlı qüvvələrin 104 illiyinə həsr olunmuş tədbir keçirilib "Qoşulmama Hərəkatındakı dostlarımız Azərbaycana qarşı təxribatların qarşısını aldılar" Trans-Xəzər beynəlxalq nəqliyyat marşrutunun rolu artıb - Tokayev Brüsseldə Azərbaycanın “Ağıllı kənd” modelindən danışılıb "Şuşa məişət əşyaları" adlı virtual sərgi hazırlanıb Prezident İlham Əliyev Aşqabadda Xəzəryanı Dövlətlərin Dövlət Başçılarının VI Zirvə Toplantısında iştirak edib Silahlı Qüvvələr gününə həsr olunan tədbir keçirildi Prezident İlham Əliyev: Azərbaycan Avrasiyanın mühüm nəqliyyat və logistika mərkəzlərindən biridir "Müharibə yalnız Ukraynanın qələbəsi ilə başa çatacaq" Azərbaycan Prezidenti Qurbanqulu Berdiməhəmmədovla görüşüb