MƏDƏNİ
A- A A+

Vyanada Azərbaycan rəssamlarının “Rənglərin əks-sədası” sərgisi

2016-03-24 09:50:52

Vyana Beynəlxalq Mərkəzində (VBM) Novruz bayramı ilə əlaqədar tədbirlər çərçivəsində gənc Azərbaycan rəssamları Dilşad İmranova və Nərmin Abdullayevanın əsərlərindən təşkil olunmuş “Rənglərin əks-sədası” adlı sərginin açılışı olub

Sərgidə Azərbaycanın Avstriyadakı səfiri Qalib İsrafilov, Azərbaycan Müasir İncəsənət Mərkəzinin direktoru Çingiz Fərzəliyev, Atom Enerjisi üzrə Beynəlxalq Agentliyin əməkdaşı Bəxtiyar Siracov, Azərbaycan səfirliyinin əməkdaşları, Vyanada təhsil alan azərbaycanlı tələbələr, Vyana şəhər sakinləri, müxtəlif ölkələri təmsil edən VBM-də əməkdaşları iştirak ediblər. Sərgidə hər iki rəssamın Novruz bayramı və vətənpərvərlik mövzusu ilə bağlı insanın daxili aləmini, mənəviyyatını müxtəlif çalarlarla, bədii obrazlar vasitəsilə əks etdirən ən gözəl əsərləri nümayiş etdirilir.

VBM nəzdində fəaliyyət göstərən incəsənət klubunun rəhbəri Raymond Nader sərginin Azərbaycan mədəniyyəti və incəsənətinin, xüsusilə də rəngkarlıq sənətinin gözəl nümunələrinin dünya səviyyəsində yayılmasında, təbliğ edilməsində, Azərbaycan rəssamlarının beynəlxalq aləmdə tanındılmasında əvəzsiz rolunun olduğunu vurğulayıb. Daha sonra o, Dilşad və Nərminə sərgiyə təqdim etdikləri gözəl işlərinə, sərginin hazırlanmasında fədakarlıqla çalışdıqlarına görə minnətdarlıq edib və onlara gələcəkdə daha da möhtəşəm uğurlar qazanmaları arzusunu dilə gətirib.

Azərbaycanın Avstriyadakı səfiri Qalib İsrafilov VBM incəsənət klubunun rəhbərliyinə, sərginin təşkilində əməyi keçən bütün əməkdaşlarına minnətdarlığını bildirib, kluba mədəniyyətlərarası bağların möhkəmləndirilməsində göstərdiyi əvəzsiz xidmətlərinə görə təşəkkür edib. Səfir, həmçinin Azərbaycanda mədəniyyətin, incəsənətin inkişafında qazanılmış nailiyyətlərdən söhbət açıb, Novruz bayramının xalqımızın mənəvi həyatında, tarixi yaddaşında tutduğu xüsusi dəyərli yerindən bəhs edib, Dilşad və Nərminə yaradıcılıq uğurları arzulayıb.

Aprel ayının 1-dək dava edəcək sərgidə zövq oxşayan əsərlər seyrçilərin doğma vətənimizi daha dərindən tanımasına, adət-ənənələrimizin və tariximizin qədim köklərini öyrənməsinə bir vasitə olacaq. Sərgi rəngkarlıq sənətimizin, ümumiyyətlə incəsənətimizin dəyərli məziyyətlərinin təbliğ edilməsinə qiymətli bir töhfə verəcək.

Qeyd edək ki, bu sərgi VBM-in fəaliyyət göstərdiyi 50 ildən artıq bir müddət ərzində Azərbaycandan gələn ilk sərgidir.

 Vyana Beynəlxalq Mərkəzi (VBM) bir neçə beynəlxalq təşkilatları özündə birləşdirir. Bu mərkəzdə Atom Enerjisi üzrə Beynəlxalq Agentlik (AEBA), BMT Sənaye İnkişafı Təşkilatı (UNİDO), Nüvə Sınaqlarının Hərtərəfli Qadağan olunması üzrə Müqavilə (CTBTO) və digər təşkilatlar fəaliyyət göstərir. Bunların hər biri təşkilata üzv olan ölkələr tərəfindən müəyyən edilmiş missiyanı yerinə yetirməklə dünyada sülh və təhlükəsizliyin təminatına, müxtəlif ölkələrdə yerli sənayenin inkişafına və texniki əməkdaşlıq proqramlarının icrasına xidmət edir. VBM nəzdində insanların müxtəlif maraqlarını özündə ehtiva edən çeşidlı dərnəklər, klublar yaradılıb. Qış və yay idman növləri üzrə klublar, dil tədrisi kursları və eləcə də incəsənət klubu bu xüsusda nümunə göstərilə bilər. İncəsənət klubunun qayəsi dünyanın ayrı-ayrı ölkələrində yaşayıb yaradan rəssamların işlərinin sərgilərinin təşkili və bu işlərin dünya ictimaiyyətinə tanıdılmasıdır. (AZƏRTAC)


Kateqoriya : MƏDƏNİ Baxış sayı : 813

QHT və MEDİA

2018-12-17 10:15:11

QHT və MEDİA
Şura 2018-ci ildə də dövlət və cəmiyyət ...
Şura 2018-ci ildə də dövlət və cəmiyyət ...

Mayın 7-də Şuranın təşkilatçılığı ilə Bakıda ümummilli liderimiz Heydər Əliye...

2018-12-15 10:20:56

QHT və MEDİA
QHT hesabat-seçki toplantısı keçirib...
QHT hesabat-seçki toplantısı keçirib...

Yığıncağı Birliyin Qadınlar Şurasının sədri, Ümumi Yığıncağa hazırlıq məqsədi...

CƏMİYYƏT

2018-12-16 18:45:15

CƏMİYYƏT
Erməni işğalının yaratdığı humanitar-mə...
Erməni işğalının yaratdığı humanitar-mə...

Erməni işğalı nəticəsində yaranan humanitar-mənəvi itkilərin qiymətləndirilm...

2018-12-14 19:20:47

CƏMİYYƏT
Leyla Əliyevanın bir qrup rusiyalı qadın...
Leyla Əliyevanın bir qrup rusiyalı qadın...

Bu yaxınlarda Heydər Əliyev Fondunun vitse-prezidenti Leyla Əliyevanın ünvanı...

İQTİSADİ

2018-12-16 21:25:31

İQTİSADİ
Ziyad Səmədzadə: Azərbaycan Dayanıqlı İn...
Ziyad Səmədzadə: Azərbaycan Dayanıqlı İn...

Fact-info.az AZƏRTAC-a istinadən xəbər verir ki, Azərbaycanı bu tədbirdə Mi...

2018-12-12 08:45:08

İQTİSADİ
"Novo Nordisk" Dağlıq Qarabağ ərazisində...
"Novo Nordisk" Dağlıq Qarabağ ərazisində...

Danimarkanın dərman preparatları istehsalçısı olan "Novo Nordisk" şirkəti tər...