CƏMİYYƏT
A- A A+

ABŞ-da Qarabağ həqiqətlərindən danışılıb

2016-03-01 09:25:48

ABŞ-da fəaliyyət göstərən bir çox türk təşkilatlarını özündə birləşdirən Türk Amerika Assosiasiyaları Assambleyasının Vaşinqtonda keçirilmiş 36-cı illik konfransının proqramında Azərbaycana xüsusi yer ayrılıb

Belə ki, Xocalı soyqırımının 24-cü ildönümünün anıldığı günlərə təsadüf edən bu konfransda Azərbaycanın ABŞ-dakı səfiri Elin Süleymanov, Azərbaycan icmasının nümayəndəsi kimi ABŞ Azərbaycanlıları Şəbəkəsinin (USAN) həmtəsisçisi və idarə heyətinin üzvü Yusif Babanlı çıxış ediblər.

Azərbaycan səfiri çıxışının əsas hissəsini məhz Xocalı qətliamına həsr edərək konfransa toplanmış çoxsaylı iştirakçılara bu faciə və onun doğurduğu ağır nəticələr haqqında məlumat verib. O, Xocalı qətliamının anılmasının Azərbaycan xalqı üçün çox mühüm əhəmiyyət kəsb etdiyini deyib, bu faciənin artıq azərbaycanlı kimliyinin tərkib hissəsinə çevrildiyini bildirib. 

Diplomat Türkiyə Prezidenti və Baş naziri tərəfindən Xocalı qətliamının ildönümü ilə bağlı verilmiş bəyanatların, bütün Türkiyə xalqı tərəfindən bu günlərdə göstərilən dəstəyin çox yüksək qiymətləndirildiyini söyləyib. Xocalı qətliamının miqyasını izah etmək üçün səfir bu faciənin Bosniyanın Srebrenitsa şəhərində baş vermiş qətliamdan heç də fərqlənmədiyini bildirib və əlavə edib ki, hətta Srebrenitsada yalnız gənc oğlan və kişilər qətlə yetirildiyi halda, Xocalıda qadın, uşaq və yaşlıya belə heç bir fərq qoyulmayib. 

Səfir Xocalı qətliamının törədilməsində Ermənistanın hazırkı prezidenti Serj Sarkisyanın birbaşa əlinin olduğunu qeyd edərək, onun bu barədə britaniyalı jurnalist Tomas de Vaala etdiyi etirafı xatırladıb. O, eyni zamanda, Ermənistan-Azərbaycan, Dağlıq Qarabağ münaqişəsi həll edilmədikcə regionda sülhün bərqərar edilməsi və Xocalı qətliamının buraxdığı dərin yaraların sağalmasının mümkün olmayacağını söyləyib və bu münaqişənin nizamlanması üçün Ermənistanın işğal etdiyi ərazilərdən geri çəkilməli olduğunu vurğulayıb.

Elin Süleymanov həmçinin Azərbaycan-Türkiyə münasibətlərinə toxunaraq ölkəmizin Ümummilli lider Heydər Əliyevin bəyan etdiyi “Bir millət, iki dövlət” şüarına sadiq qaldığını və əlaqələrimizin hər zaman genişlənməsinə önəm verdiyini diqqətə çatdırıb. O, ABŞ-da yaşayan Azərbaycan və türk icmaları arasında qarşılıqlı əlaqələndirmə və dəstəyin vacibliyi barədə fikirlərini bölüşüb.(AZƏRTAC)

Yusif Babanlı Amerikadakı Azərbaycan icmasının Birləşmiş Ştatlarda fəaliyyəti haqqında məlumat verib və bu sahədə qarşıya çıxan çətinliklərə toxunub. O, ABŞ-Azərbaycan strateji tərəfdaşlığı və Ermənistan-Azərbaycan münaqişəsinə dair həqiqətlərin yerli ictimaiyyətin diqqətinə çatdırılması məqsədilə aparılan məlumatlandırma kampaniyaları barədə söhbət açıb. Y. Babanlı ABŞ-da mövcud olan Azərbaycan və digər türkdilli icmaların davamlı istifadə etdikləri təbliğat vasitələrini sadalayıb, xüsusilə Birləşmiş Ştatlarda yerli və federal səviyyədə qanunvericilik orqanları ilə iş metodları barədə ABŞ Azərbaycanlıları Şəbəkəsinin təcrübəsindən misallar çəkib. AZƏRTAC-ın ABŞ-da xüsusi müxbiri olan Yusif Babanlı doğru məlumatın vaxtında yayılmasının və ABŞ-ın əlaqədar rəsmilərinə çatdırılmasının önəmini qeyd edib.

İki günlük konfrans çərçivəsində, həmçinin Azərbaycanın ABŞ-dakı səfirliyi tərəfindən Heydər Əliyev Fondunun hazırladığı, Xocalı qətliamından bəhs edən fotosərgi nümayiş etdirilib.

Fevralın 27-də isə amerikalı jurnalist və tarixçi Tomas Qoltsun çəkdiyi və erməni işğalı altında olan Ağdamın “Qarabağ” futbol klubundan bəhs edən sənədli filmin təqdimatı olub. 

Təqdimatdan sonra müəllif tamaşaçıların suallarını cavablandırıb, Qarabağ həqiqətlərini onların diqqətinə çatdırıb.


Kateqoriya : CƏMİYYƏT Baxış sayı : 945

QHT və MEDİA

2019-07-20 09:10:35

QHT və MEDİA
Gürcü ekspertlər: “İnsidentin arxasında ...
Gürcü ekspertlər: “İnsidentin arxasında ...

Bunu “Report”un yerli bürosuna açıqlamasında Gürcüstanın əməkdar jurnalisti, ...

2019-07-20 07:45:42

QHT və MEDİA
UNUDULMUŞ ŞƏHİD MƏZARLARI 1990-1997
UNUDULMUŞ ŞƏHİD MƏZARLARI 1990-1997

Azərbaycan Respublikasının Prezidenti yanında Qeyri-Hökumət Təşkilatlarına...

CƏMİYYƏT

2019-07-19 08:40:08

CƏMİYYƏT
Akademik Azərbaycan Xalq Cümhiriyyətini...
Akademik Azərbaycan Xalq Cümhiriyyətini...

Azərbaycan Respubliksının Prezidenti İlham Əliyevin 27 may 2019-cu il tarixli...

2019-07-16 08:20:48

CƏMİYYƏT
Müharibə şəraitində mediamız
Müharibə şəraitində mediamız

Ancaq bəzi məqamları diqqətsiz buraxmaq olmur. Ümumiyyətlə, jurnalistikanın ...

İQTİSADİ

2019-07-17 08:50:31

İQTİSADİ
100,6 milyard dollar investisiya yatırıl...
100,6 milyard dollar investisiya yatırıl...

Energetika Nazirliyindən bildirilib ki, Energetika naziri Pərviz Şahbazov ADA...

2019-07-16 09:25:35

İQTİSADİ
Aİ-Azərbaycan: strateji tərəfdaşlığın ak...
Aİ-Azərbaycan: strateji tərəfdaşlığın ak...

Bir sıra ekspertlər son zamanlar Avropa İttifaqı-Azərbaycan münasibətlərində ...