QHT və MEDİA
A- A A+

Yeni qurum - İctimai Nəzarət Şurası yaradılır

2016-02-17 09:20:32

Azərbaycanda "İctimai iştirakçılıq haqqında" qanuna və İctimai şuraların fəaliyyəti haqqında Əsasnaməyə əsasən mərkəzi və yerli icra hakimiyyəti orqanları yanında yaradılan İctimai Şuraların mərkəzi və yerli icra hakimiyyəti orqanlarının nəzarətindən çıxarılması təklif olunur

Qeyd edək ki, bu məsələ Milli Məclisin (MM) Hüquq siyasəti və dövlət quruculuğu komitəsi və Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının fevralın 15-də keçirilən birgə iclasında ictimai müzakirəyə çıxarılan "İctimai nəzarət haqqında" qanun layihəsində əksini tapıb.

Şura tərəfindən hazırlanan qanun layihəsinə əsasən mərkəzi və yerli icra hakimiyyəti orqanları yanında fəaliyyət göstərən ictimai şuraların fəaliyyəti müvafiq orqan tərəfindən əlaqələndiriləcək. Müvafiq orqanın səlahiyyətlərinə Azərbaycanda ictimai nəzarətin həyata keçirilməsində ictimai nəzarət subyektinə metodoloji, təşkilati və texniki dəstək, eyni zamanda ictimai şuralar tərəfindən aparılan ictimai nəzarətin icrasının monitorinqi daxildir. Mərkəzi icra hakimiyyəti orqanlarının İctimai Şura yaratmaqdan yayınmasının da qarşısı alınacaq. Qanun layihəsinə əsasən ictimai nəzarətin həyata keçiriləcəyi mərkəzi icra hakimiyyəti orqanlarının siyahısı müvafiq fərmanla təsdiq ediləcək.

Sözügedən komitənin sədri Əli Hüseynli bildirib ki, bir xeyli müddət öndə MM-lə  Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası arasında əməkdaşlıq memorandumu imzalanıb.Eyni zamanda, ötən dövr ərzində parlamentdə bir sıra qanunlarla bağlı ictimai müzakirələr, dinləmələr təşkil olunub.Həmçinin,  ölkə başçısı İlham Əliyevin son illər və xüsusilə, son aylar irəli sürdüyü əsas tezislərdən biri də ictimai nəzarətin təşkil olunması və gücləndirilməsidir: "Məhz həmin tezisin məntiqi nəticəsidir ki,  bu gün millət vəkili Azay Quliyev tərəfindən ictimai nəzarətin gücləndirilməsi ilə bağlı belə bir qanun layihəsi hazırlanıb müzakirələrə çıxarılıb. Biz bu sənədi ictimai müzakirələrə çıxarmazdan öncə isə belə qərarlaşdıq ki, onun dinləmələrinə vətəndaş cəmiyyəti nümayəndələrini də dəvət edək".

Adıçəkilən Şuranın sədri Azay Quliyev deyib ki, mərkəzi və yerli icra hakimiyyətləri yanında ictimai şuraların mərkəzi və yerli icra hakimiyyətləri orqanları tərəfindən yaradılmamasını istəyirlər.  O, bildirib ki, mərkəzi və yerli icra hakimiyyəti orqanları yanında ictimai şuraların müvafiq orqan tərəfindən yaradılmasını və fəaliyyətinin də müvafiq orqan tərəfindən əlaqələndirilməsini təklif edirlər: "Bu gün bəzi mərkəzi və yerli icra hakimiyyəti orqanları yanında İctimai Şura yaradılıb, bəzilərində yaradılmayıb. Bəzən də bir gündə hansısa mərkəzi və yerli icra hakimiyyəti orqanı formal olaraq İctimai Şura yaradıldığını elan edir. Biz subyektivliyi, formallığı  aradan qaldırmaq istəyirik. Ona görə də mərkəzi və yerli icra hakimiyyəti orqanları yanında ictimai şuraların yaradılması və fəaliyyətinin əlaqələndirilməsinin müvafiq orqana həvalə olunmasını təklif edirik". 

Millət vəkili Fəzail Ağamalı mərkəzi və yerli icra hakimiyyəti orqanları yanında ictimai şuraların yaradılması və fəaliyyətinin əlaqələndirilməsinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına həvalə olunmasının qanunda əksini tapmasını istəyib. F. Ağamalı Şuranın bu sahədə fəaliyyəti ilə əlaqədar Azərbaycan prezidenti ilə bərabər, Milli Məclisə də hesabat verməsini zəruri sayıb.

“Konstitusiya” Araşdırmaları Fondunun sədri Əliməmməd Nuriyev isə təklif edib ki, ictimai nəzarət təkcə mərkəzi və yerli icra hakimiyyətlərini deyil, qərar verən bütün publik qurumları, o cümlədən,  bələdiyyələri də əhatə etsin.

Millət vəkili Qüdrət Həsənquliyev İctimai Şuraların 5 il ərzində fəaliyyət göstərməsinin qanunda əksini tapmasını təklif edib:"Yəni, hər bir İctimai Şura  yalnız 5 il ərzində fəaliyyət göstərməlidir və növbəti müddətdə yerini başqasına verməlidir. Eyni zamanda, İctimai Şuraların sədrləri bir il ərzində və yalnız bir dəfə bu vəzifəni icra etməlidirlər.

Həmçinin, İctimai Şuraların tərkibi 12 üzvdən artıq olmamalıdır".

Ə.Hüseynli də öz növbəsində  qanun layihəsinin komitədə, Milli Məclisdə birinci, ikinci və üçüncü oxunuşda müzakirəsi zamanı təkliflərin nəzərə alınacağını söyləyib

 

 


Kateqoriya : QHT və MEDİA Baxış sayı : 716

QHT və MEDİA

2019-02-18 08:40:09

QHT və MEDİA
Ermənilər azərbaycanlılar və çeçenlər ar...
Ermənilər azərbaycanlılar və çeçenlər ar...

Trend-in məlumatına görə, erməni sosial şəbəkə istifadəçiləri həmyerlilərini ...

2019-02-16 11:30:34

QHT və MEDİA
Zahid Oruc Sosial Tədqiqatlar Mərkəzinin...
Zahid Oruc Sosial Tədqiqatlar Mərkəzinin...

Trend-in məlumatına görə, bunu Sosial Tədqiqatlar Mərkəzinin (STM) İdarə Heyə...

CƏMİYYƏT

2019-02-18 18:10:30

CƏMİYYƏT
Ombudsmandan Xocalı soyqırımı ilə bağlı ...
Ombudsmandan Xocalı soyqırımı ilə bağlı ...

Bəyanatda deyilir: "Ermənistanın Azərbaycana qarşı uzun illər işğalçılıq və s...

2019-02-15 09:05:13

CƏMİYYƏT
Haqq və ədalətin inkarı: "Freedom House"...
Haqq və ədalətin inkarı: "Freedom House"...

Ayrıca "Freedom House" təşkilatının nə dərəcədə "obyektiv" olduğu barədə də ə...

İQTİSADİ

2019-02-18 16:05:32

İQTİSADİ
Prezident Sumqayıtda “SOCAR Polymer”in p...
Prezident Sumqayıtda “SOCAR Polymer”in p...

Trend Prezidentin Mətbuat Xidmətinə istinadən xəbər verir ki, Dövlət Neft Şir...

2019-02-16 08:55:20

İQTİSADİ
"Davamlı inkişafın sosial-iqtisadi probl...
"Davamlı inkişafın sosial-iqtisadi probl...

Konfransın açılış mərasimində təşkilatçılarla yanaşı, Təhsil Nazirliyi, İqtis...