2021-04-07 07:40:20 | MÜSAHİBƏ
"Azərbaycan müharibə zamanı da beynəlxalq hüquq çərçivəsində hərəkət edib"

Beynəlxalq hüquq üzrə ixtisaslaşmış bir qrup fransız vəkil Fransa hökumətinə Ermənistan-Azərbaycan münaqişəsi ilə bağlı mövqelərini əks etdirən, rəsmi Parisi Cənubi Qafqaz regionunda sülhün, təhlükəsizliyin və inkişafın təmin olunmasında qərəzsiz və fəal rol oynamağa çağıran petisiya ünvanlayıb. Petisiyanın müəllifləri arasında olan Paris Vəkillər Kollegiyasının üzvü, vəkil Yasin Yakouti sözügedən sənədlə bağlı AZƏRTAC-a müsahibə verib.

Vəkil bildirib ki, sənəddə 2014-cü ildən əsil mahiyyəti təhrif olunan, 2020-ci ilin payızında baş verən müharibə nəticəsində həllini tapan Ermənistan-Azərbaycan münaqişəsinə tarixi və hüquqi kontekstdə baxılmasından söhbət gedir. Belə ki, beynəlxalq hüquqa, eləcə də Fransanın konstitusiya hüququna, rəsmi Parisin beynəlxalq öhdəliklərinə zidd olaraq parlament, bələdiyyə və siyasi partiyalar səviyyəsində qəbul olunmuş qərarlar, edilən çıxışlar və verilən bəyanatlar Qarabağ münaqişəsinin mahiyyətini və səbəblərini təhrif edib, əsil həqiqətlər isə ört-basdır edilib. Bu petisiyanın məqsədi münaqişənin beynəlxalq hüquqi aspektlərini Fransa hökumətinə və cəmiyyətinə xatırlatmaqdır. Həmçinin burada Fransa hökumətinin diqqəti 30 illik münaqişənin ciddi humanitar fəsadlarına da çəkilir.

Yasin Yakouti deyib ki, hökumət, ilk növbədə, Fransa-Azərbaycan və Ermənistan-Azərbaycan münasibətlərinə dair yanaşmanı müəyyənləşdirərkən beynəlxalq hüquqa və rəsmi Parisin öhdəliklərinə riayət etməyə çağırılıb.

“Eyni zamanda, millət vəkillərini, eləcə də siyasi liderləri Azərbaycana qarşı qeyri-qanuni hücumları və hərəkətləri dayandırmağa çağırdıq. Çünki bunun əks-nəticə verdiyini, Fransanın bölgədəki nüfuzuna və ona olan etimada zərbə vurduğunu düşünürük. Biz Fransanı istədiyi mövqeni deyil, məhz beynəlxalq hüquqa riayətə əsaslanan mövqe tutmağa dəvət edirik. Həmçinin biz Fransa hökumətini 2020-ci il 10 noyabr tarixli üçtərəfli Bəyanatın icrasını dəstəkləməyə, BMT Nizamnaməsi, eləcə də BMT Baş Assambleyasının 1970-ci il 24 oktyabr tarixli Bəyannaməsi və 1975-ci il Helsinki Yekun Aktında yer alan beynəlxalq hüququn hamılıqla qəbul edilmiş prinsipləri əsasında Ermənistan ilə Azərbaycan arasında münasibətlərin normallaşdırılmasına töhfə verməyə çağırırıq”, - deyə vəkil qeyd edib.

O deyib ki, vəkillərin müraciəti beynəlxalq hüququn norma və prinsiplərinin mütləq aliliyinə əsaslanır. Buna görə də Fransa- Azərbaycan münasibətlərinin ölkələrin suverenliyi, ərazi bütövlüyü və bir-birinin beynəlxalq səviyyədə tanınmış sərhədlərinin toxunulmazlığı kimi prinsiplərə qarşılıqlı hörmət əsasında normallaşdırılması üçün əlindən gələni etməsi üçün hökumətə müraciət ünvanlamışıq. Bu kontekstdə, hökuməti münaqişə və Azərbaycan ərazilərinin işğalı zamanı onun mədəni dəyərlərinə dəymiş zərərin qiymətləndirilməsi üçün UNESCO-nun missiyasının Azərbaycana göndərilməsini dəstəkləməyə çağırırıq.

“Azərbaycanın mövqeyinin beynəlxalq hüquqa uyğunluğu açıq və mübahisəsiz olsa da, münaqişə tərəflərini fərqləndirmirik. Amma həqiqətən də Azərbaycan həm münaqişə dövründə, həm 28 illik danışıqlar prosesində, həm ötən ilin payızındakı müharibə zamanı hər zaman beynəlxalq hüquq çərçivəsində hərəkət edib. Müraciətimizin əsas mesajı odur ki, beynəlxalq hüquq prinsipləri pozulanda münaqişələr baş verir. Biz vəkillər bunu digərlərindən daha aydın görür və anlayırıq. Buna görə də yeganə çıxış yolunu - beynəlxalq hüquqa ciddi şəkildə riayət olunmasını təklif edirik. Bu, sülh, təhlükəsizlik və inkişaf üçün ən möhkəm təməldir”, - deyə vəkil vurğulayıb.

Baxış sayı : 133
İtkin düşmüş hərbi qulluqçuların axtarış işləri davam etdirilir - Hərbi Prokurorluq 2021-04-21 08:55:54 Almaniya portalı Qarabağın azad olunması ilə yaranan yeni siyasi və iqtisadi reallıqlardan yazıb 2021-04-21 07:50:16 Yaşar Əliyev: Ermənistan BMT Təhlükəsizlik Şurasının qətnamələrinə bilərəkdən etinasızlıq göstərirdi 2021-04-21 07:45:09 Böyük Qayıdış nə vaxt başlayacaq? 2021-04-21 06:40:13 AŞ PA Cənubi Qafqazda dayanıqlı sülhün qurulması üçün dəstəyini təklif edə bilər 2021-04-20 21:10:20 “Mina xəritələrini verməmək Ermənistanın növbəti hərbi cinayətidir” 2021-04-20 20:30:20 Ermənistanla sərhəddə daha bir hərbi hissə yaradılıb 2021-04-20 14:35:24 Ağdamın İsmayılbəyli kəndi - VİDEO 2021-04-20 13:00:48 “Eurasia Review”: İkinci Qarabağ müharibəsi Ermənistan üçün ciddi iqtisadi problemlər yaradıb 2021-04-20 12:45:58 Türkiyə "erməni soyqırımı" ilə bağlı arxivlərin açılması məsələsini yenidən gündəmə gətirib 2021-04-20 12:40:58 Türkiyədə müalicə alan 2 qazimiz Vətənə döndü 2021-04-20 10:25:21 İsrailli jurnalistlərin Ağdama səfəri başa çatıb 2021-04-19 17:05:08 Lütfi Zadənin 100 illiyi ilə bağlı tədbirlər müəyyənləşdirilib 2021-04-19 16:10:18 Qubadlının Tarovlu kəndi - VİDEO 2021-04-19 08:10:17 “Azərbaycandakı hərbi əməliyyatların ön cəbhəsində” sənədli filmi 2021-04-19 07:55:38 Ermənilərin yeganə şansı bütün qondarma ərazi iddialarından imtina etməkdir - Əli Hüseynli 2021-04-19 07:50:26 “Le Monde”: Fransanın aparıcı şirkətləri Qarabağda həyata keçirilən böyük layihələrdən kənarda qalmaqdan ehtiyat edirlər 2021-04-19 06:45:54 Ağdamın Saybalı kəndi - VİDEO 2021-04-18 21:20:45 DAUİB Şəhid Sarkayev Nəcməddin Əli oğlunun valideyinləri ilə görüşüb 2021-04-18 20:55:00 Prezident informasiya infrastrukturunun təhlükəsizliyi ilə bağlı fərman imzalayıb 2021-04-18 10:10:48 XİN Beynəlxalq Abidələr və Tarixi Yerlər Günü ilə əlaqədar bəyanat yayıb 2021-04-18 09:55:54 Cəbrayılın Daş Veysəlli kəndi - VİDEO 2021-04-17 20:00:11 Türkiyə mediası Azərbaycan Prezidentinin ADA Universitetində keçirilən konfransdakı çıxışını işıqlandırmaqda davam edir 2021-04-17 09:55:37 Şərqi Avropa portalında “Minalar, Qarabağ və Ermənistanda böhran” adlı məqalə dərc olunub 2021-04-17 09:45:36