“Əlillik dərəcəsi məsələsinə Əmək və Əhalinin Sosila Müdafiəsi Nazirliyində baxılır”.

bunu bu gün Müdafiə Nazirliyi Tibb Baş İdarəsinin rəisi vəzifəsini icra edən tibb xidməti polkovniki Firuddin Nəbiyev Silahlı Qüvvələrin Baş Klinik Hospitalında hərbi həkimlərin Vətən müharibəsi dövründə və işğaldan azad edilmiş ərazilərdə hazırkı fəaliyyəti ilə bağlı keçirilən brifinqdə bildirib.

Polkovnik deyib ki, hazırda orduda tibbi təminat və dərmanlarla bağlı hər hansı problem yoxdur.

““YAŞAT" Fondunun qazilərin xaricdə, ölkədəki klinikalarda müalicəsini xüsusi qeyd etmək istəyirəm. YAŞAT Fondu Türkiyədən həkimlər dəvət edir”.

O deyib ki, Türkiyədən gələn həkimlərin köməyi ilə "YAŞAT" Fondu qazilərin birinci, ikinci növbədə xaricə müalicəyə göndərilməli olduğunu müəyyənləşdirib:

“54 nəfər Türkiyəyə müalicəyə göndərilib, onlardan 4-ü müalicə alaraq geri qayıdıb. Yaxın müddətdə kimlərin xaricdə müalicəyə ehtiyacı varsa, müalicəsi təmin olunacaq”.

“Müalicə alan qazilərimizin hamısı ordudan tərxis olunmayıb”.

Müdafiə Nazirliyi Tibb Baş İdarəsinin rəisi vəzifəsini icarə edən polkovnik deyib ki, müalicəsi başa çatan qazilər Ordudan tərxis olunub:

“Müalicəsi başa çatan 200-ə yaxın qaziyə sosial müavinət də təyin olunub”.

F. Nəbiyev bildirib ki, belə qazilərin sənədləri Əmək və Əhalinin Sosial Müdafiəsi Nazirliyinə göndərilir:

“Hazırda tərxis olunmayan qazilərin bəzilərinə evdə də məzuniyyət verilib. Məsələn, ayağında, qolunda, sümüklərində qırıqlar olan və evdə ailələrinin qayğısı ilə daha yaxşı müalicə olunmaq istəyən qazilərə 30, 45, bəzən 60 gün məzuniyyət verilir. Məzuniyyətdə olduqları dövrdə də onların tibbi təminatı bizim üzərimizdədir və onların dərmanları verilir. Tərxis olunan qazilərin dərman təminatını isə biz həyata keçirə bilmirik. Yüksək rütbəli zabit və gizirlər, habelə müəyyən səbəblərə görə tərxisə buraxılmış zabitlərin tibbi təminatı bizim üzərimizdədir. Bəzən qazilərimiz şikayət edirlər ki, onlar hospitallarda müalicə olunmaq istəyirlər. Biz də onların hospitallarda müalicə olunmasını istəyirik. Amma qanunlar var, həmin qanunlara görə onların müalicəsini təşkil edə bilmirik. Bizim təminatımızda olan qazilərin müalicəsini təşkil edirik”.