QHT və MEDİA
A- A A+

İctimai nəzarət mexanizmlərinin tətbiqi ilə bağlı təkliflər Prezidentə təqdim ediləcək

2016-01-14 20:45:27

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası “İctimai nəzarətin təşkil olunmasında QHT-lərin rolu” mövzusunda Dəyirmi masa keçirib

Şuranın mətbuat xidmətindən verilən məlumata görə, Şura sədri, millət vəkili Azay Quliyev bildirib ki, Prezident İlham Əliyev Nazirlər Kabinetinin son iclasındakı çıxışında hökumətin fəaliyyətinə ictimai nəzarətin vacibliyini vurğulaması QHT-lərə ünvanlanmış çağırışdır.

A.Quliyev vətəndaş cəmiyyəti institutlarının hər zaman olduğu kimi, dövlət başçısını və onun həyata keçirdiyi islahatları dəstəklədiyini bildirib: “QHT-lər bu prosesdə yaxından iştirak etməli və ictimai nəzarətin tətbiqi ilə bağlı real təkliflərini açıqlamalıdırlar. Bildiyimiz kimi, “İctimai iştirakçılıq haqqında” qanuna uyğun olaraq dövlət orqanlarının yanında İctimai şuralar yaradılmalıdır. Bu gün biz qanunun tələblərindən irəli gələn və bu məsələ ilə bağlı digər faydalı mexanizmlərin tətbiqini müzakirə edəcəyik”.

Şura sədri qeyd edib ki, manatın məzənnəsində baş verən dəyişikliklərdən sonra ictimaiyyəti narahat edən bir sıra məsələlər meydana çıxıb ki, onların mənfi nəticələrinin minimuma endirilməsi üçün vətəndaş cəmiyyəti institutları imkanlarını səfərbər etməlidir.

Toplantıda çıxış edən Sahib Məmmədov, Əhməd Abbasbəyli, Sabit Bağırov, Əvəz Həsənov, Mirvari Qəhrəmanlı, Novella Cəfəroğlu, Mehdi Mehdiyev, Eyyub Hüseynov, Rauf Zeyni, Osman Gündüz, Ülkər Abdullayeva, Samir Əliyev, Qalib Bayramov, Umud Mirzəyev, Vüqar Qədirov, Səadət Bənənyarlı, Lyudmila Xəlilova, Sirus Abbasbəyli, Vüqar Zeynalov, Ruslan Atakişiyev, İsrail İsgəndərov, Etimad Əsədov, Samir Adıgözəlli, Davud Rəhimov, Mirəli Hüseynov, Fariz Xəlilli, Nurəddin Mehdiyev, Təhmasib Novruzov, Elməddin Muradlı, Vüsalə Hüseynli, Qorxmaz İbrahimli, Emin Həsənli, Mehriban Zeynalova və digər QHT sədrləri vətəndaşları narahat edən məsələlər və effektiv ictimai nəzarət mexanizmləri haqqında təkliflərini səsləndiriblər.

Toplantıda aşağıdakı sahələr üzrə QHT-lərdən ibarət İşçi Qrupun yaradılması haqqında qərar qəbul edilib:

İqtisadi məsələlər,

Sosial məsələlər,

İctimaiyyətlə əlaqələr.

 

Toplantıda İşçi qrupların aidiyyəti nazirliklərdə və Mərkəzi Bankda görüşlər keçirməsi və irəli sürülən təkliflərin müvafiq səlahiyyətli şəxslərlə birgə müzakirəsi qərara alınıb. Eyni zamanda paytaxt və regionlarda maarifləndirici seminar və görüşlərin də təşkili haqqında razılığa gəlinib.

Şura sədri A.Quliyev ictimai nəzarət mexanizmlərinin tətbiqi ilə bağlı təkliflərin dövlət başçısına təqdim ediləcəyini və görüləcək bütün işlər haqqında ictimaiyyətin ətraflı məlumatlandırılacağını vurğulayıb.


Kateqoriya : QHT və MEDİA Baxış sayı : 798

QHT və MEDİA

2019-01-15 11:05:39

QHT və MEDİA
Vüsal Qasımlı: "Struktur islahatları ida...
Vüsal Qasımlı: "Struktur islahatları ida...

Bunu Trend-ə Prezident İlham Əliyev tərəfindən aparılan struktur islahatların...

2019-01-12 18:15:19

QHT və MEDİA
Azay Quliyev beynəlxalq təşkilatlara və ...
Azay Quliyev beynəlxalq təşkilatlara və ...

Fact-info.az xəbər verir ki, bunu ATƏT PA-nın vitse-prezidenti, millət vəkili...

CƏMİYYƏT

2019-01-16 09:30:10

CƏMİYYƏT
İsveçrə mediası 20 Yanvar hadisələrindən...
İsveçrə mediası 20 Yanvar hadisələrindən...

“Milli azadlıqla xalq matəmi arasında” sərlövhəli məqalədə 20 Yanvar faciəsin...

2019-01-14 08:30:18

CƏMİYYƏT
Akademik: 2019-cu ilin "Nəsimi ili" elan...
Akademik: 2019-cu ilin "Nəsimi ili" elan...

Bunu Trend-ə Milli Məclisin deputatı, AMEA akademik Ziya Bünyadov adına Şərqş...

İQTİSADİ

2019-01-14 20:25:40

İQTİSADİ
Müdafiə Sənayesi Nazirliyinin əsasında “...
Müdafiə Sənayesi Nazirliyinin əsasında “...

Fərmana əsasən, ölkədə dövlət idarəetmə strukturunu optimallaşdırmaq, müdafiə...

2019-01-13 13:40:27

İQTİSADİ
Neft tariximizə böyük ehtiram hissilə...
Neft tariximizə böyük ehtiram hissilə...

Azərbaycanda neftin sənaye üsulu ilə hasilatı XIX əsrin ortalarından başlanmı...