QHT və MEDİA
A- A A+

“Kris Smit Ermənistanın sifarişini yerinə yetirir”

2015-12-18 09:15:51

ABŞ-ın Helsinki Komissiyasının sədri, konqresmen Kris Smit tərəfindən təqdim olunan “Azərbaycan Demokratiya aktı” layihəsi adlı sənəd ABŞ-ın maraqlarına ciddi zərbə vuracaq

Fact-info.az xəbər verir ki, bunu azvision.az -a açıqlamasında millət vəkili Azay Quliyev deyib. 
Onun sözlərinə görə, belə iddiaların Azərbaycan və Ermənistan prezidentləri İlham Əliyev və Serj Sarkisyan arasında keçiriləcək görüş qabağı ortaya atılması təsadüfi deyil: “1992-ci ilin oktyabrında Azərbaycan ordusu torpaqlarımızı işğaldan azad etdiyi zaman ABŞ Konqresi keçmiş sovet respublikalarına dövlət yardımının göstərilməsini tənzimləyən “Azadlığa Dəstək Aktı”nı qəbul edib.
Bu qanuna edilən 907-ci düzəliş Azərbaycanın rəsmi qurumlarına Amerika hökuməti tərəfindən birbaşa yardımının göstərilməsinə qadağa qoydu.

Halbuki regionda sanksiyaya məruz qalacaq yeganə ölkə işğalçı Ermənistan idi. Hesab edirəm prezidentlərin görüşü qabağı təqdim edilən bu sənəd Minsk qrupunun həmsədr dövləti kimi ABŞ-ın nüfuzunə ciddi xələl gətirir. ABŞ birbaşa separatçılara maliyyə yardımı edir. Hətta bizim rəsmi və qeyri-rəsmi şəkildə buna etirazımız olub”.
A.Quliyev hesab edir ki, Kris Smitin təqdim etdiyi layihə Ermənistan hakimiyyətinin və erməni lobbisinin Azərbaycana qarşı keçirdiyi məkirli kampaniyanın tərkib hissəsidir. 
“Təəssüflər olsun ki, yenə erməni lobbisi aktivdir. Bu sənədin qəbul edilməsinin Amerika üçün faydası olmayacaq. Bu kimi qərəzli addımlar eləcə də Azərbaycan ictimaiyyətində ABŞ-ın imicinə mənfi təsir göstərə bilər”.
Millət vəkili vurğulayıb ki, sözügedən qanun layihəsində əks olunan iddialar cəfəng məlumatlardır: “Mən orada yer alan məlumatları oxumuşam. Heç bir fakta söykənməyən, hər hansı xüsusi araşdırmaya və faktlara əsaslanmayan sənəd layihəsidir. Azərbaycanda insan hüquqlarının və mətbuat azadlığının, multikulturalizm ənənələrinin pozulmasını iddia etmək sadəcə olaraq məqsədyönlü qərəzdən başqa bir şey deyil”.
Deputat qeyd edib ki, sənəd layihəsinin qəbul olunma şansı çox azdır: “İnanıram ki, ABŞ Dövlət Departamenti, ölkə prezidenti və qərarverici orqanlar belə avanturist qərarlara getməyəcək və bu təşəbbüs olaraq qalacaq. Çünki, bu, ilk növbədə hazırki geosiyasi vəziyyətə əksdir, Azərbaycanın bölgədə yaratdığı müsbət rola uyğun deyil.

Eyni zamanda Azərbaycanın apardığı balanslaşdırılmış siyasət ABŞ-ın mənafeyinə uyğundur. Və bunun fonunda ABŞ-ın ağıllı siyasətçiləri və qərar qəbul edənləri razı ola bilməzlər ki, bölgədə Azərbaycan kimi güclü müttəfiq və strateji tərəfdaşı itirsinlər. Bu, ABŞ-ın maraqlarına qarşı yönələn bir təşəbbüsdür”.
A.Quliyev hesab edir ki, təqdim edilən layihənin qarşısını almaq üçün müvafiq addımlar atılmalı, bütün imkanlar səfərbər olunmalıdır: “Hesab edirəm ki, amerikalıların özləri qanunun əleyhinə çıxmalıdırlar. Bütün bunların hamısı mərkəzləşdirilmiş qaydada erməni lobbisi tərəfindən irəli sürülən və belə bir həssas məqamda təqdim olunan təxribat xarakterli təşəbbüsdür. Bunun Azərbaycana və ABŞ-a xeyri olmayacaq”.


Kateqoriya : QHT və MEDİA Baxış sayı : 1412

QHT və MEDİA

2020-06-06 16:55:00

QHT və MEDİA
Anar Məmmədov: İkili standartlar olan ...
Anar Məmmədov: İkili standartlar olan ...

Müstəqilliyin bərpasından ötən dövr ərzində Azərbaycan demokratik inkişaf ist...

2020-06-06 10:20:15

QHT və MEDİA
“İngiltərənin geosiyasi maraqlarında “er...
“İngiltərənin geosiyasi maraqlarında “er...

Özbəkistandakı Heydər Əliyev adına Azərbaycan Mədəniyyət Mərkəzinin təşəbbüsü...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...