2020-08-04 07:15:25 | QHT VƏ MEDİA
Azərbaycanın İtaliyadakı səfiri: Sivil dünya işğalçı Ermənistanla məsafəli davranmalıdır

.

“İtaliyada erməni tərəfi və ona bağlı dairələr Ermənistanın Azərbaycana qarşı hərbi təcavüzünü ört-basdır etmək və Qərb dünyasında və xristian dini çevrələrdə Ermənistanın mövqeyinə dəstək qazandırmaq üçün Ermənistan-Azərbaycan Dağlıq Qarabağ münaqişəsinin "sivilizasiyalar arasında toqquşma" olduğunu iddia edir və münaqişəni "müsəlman ölkələrinin əhatəsində olan kiçik "əzabkeş" xristian erməni xalqının yaşamaq uğrunda mübarizəsi" kimi təqdim edir”.

AZƏRTAC xəbər verir ki, Azərbaycanın İtaliyadakı səfiri Məmməd Əhmədzadə katolik dini dairələrdə populyarlığı ilə tanınan “Faro di Roma” online qəzetinin müxbiri Giordano Merlicco ilə geniş müsahibəsində erməni tərəfinin bu yalan iddialarını ifşa edib.

Diplomat müsahibəsində münaqişənin tarixi kökləri, Ermənistanın Azərbaycana qarşı hərbi təcavüzü və onun nəticələri, çoxsaylı beynəlxalq təşkilatlar tərəfindən münaqişə ilə bağlı qəbul edilmiş və Ermənistanın indiyədək məhəl qoymadığı sənədlər, habelə iyulun 12-dən Ermənistanın Azərbaycana qarşı həyata keçirdiyi son hərbi təxribatlar haqqında danışıb.

Səfir son hadisələr zamanı çox sayda italyan parlamentarilərinin, siyasətçilərinin və tədqiqatçılarının beynəlxalq hüquq normalarına uyğun olduğu üçün Azərbaycanın haqlı mövqeyini dəstəklədiyini deyib. Bununla yanaşı, erməni tərəfinin Qərb dünyasının dəstəyini qazanmaq üçün münaqişəni sivilizasiyaların toqquşması kimi təqdim etdiyini deyən diplomat münaqişənin birmənalı şəkildə Ermənistanın Azərbaycan ərazilərinə olan iddialarından doğan məsələ olduğunu qeyd edib. Ermənistanın fərqli mədəniyyətlərə və etnik qruplara yer olmayan monoetnik dövlətə çevrildiyini, həm bu ölkədə, həm də işğal olunmuş ərazilərdə Azərbaycanın tarixi, mədəni və dini irsinin məhv edildiyini bildirib.

Diplomat Azərbaycanın dünyəvi ölkə olduğunu, multikulturalizmə, tolerantlığa və inklüzivliyə böyük əhəmiyyət verdiyini, burada çox sayda sinaqoq, pravoslav, katolik və yevangelist kilsələrin mövcudluğunu, Bakının mərkəzində erməni kilsəsinin də qaldığını diqqətə çatdırıb. O, ölkəmizin qlobal səviyyədə mədəniyyətlərarası dialoqu təşviq etdiyini deyib. Əlavə edib ki, Azərbaycan dünyada enerji qaynaqları ilə zəngin ölkə kimi tanınır, lakin onu başqalarından fərqləndirən əsas sərvəti tolerantlıq və digər mədəniyyətlərə açıq ruhudur.

Diplomat qeyd edib ki, sivil dünya ölkəmizin bu dəyərlərini yüksək qiymətləndirməli, Azərbaycan ərazilərini 30 ilə yaxın müddətdə işğal altında saxlayan və bir milyondan çox azərbaycanlının evlərinə qayıtmaq, hətta doğmalarının məzarlarını belə ziyarət etmək hüququnu pozan Ermənistanla məsafəli davranmalıdır.

Müsahibəsində diplomat Azərbaycanın istər İtaliya, istərsə də Müqəddəs Taxt-Tacla yaxın əlaqələrindən, cari ilin fevral ayında Prezident İlham Əliyevin buraya uğurlu səfərlərindən, Heydər Əliyev Fondu tərəfindən həyata keçirilən layihələrin bu əlaqələrə verdiyi böyük töhfələrdən də söhbət açıb.

Müsahibə ilə aşağıdakı keçiddən tanış olmaq mümkündür:

http://www.farodiroma.it/le-ragioni-dellazerbaigian-multiculturalismo-tolleranza-e-inclusione-sono-le-principali-ricchezze-di-un-paese-che-si-sente-aggredito-intervista-con-lambasciatore-in-italia/?fbclid=IwAR0QC-S0xIIPW58QTrcUJ84D6pDy9-8fLQAyYuH7R72nWCAOGrS5MoeiFEw

Baxış sayı : 1041
Əhmədiyyə Cəbrayılovun 100 illiyinə həsr olunmuş virtual sərgi keçiriləcək 2020-09-23 08:40:50 Rəcəb Tayyib Ərdoğan: Ermənistan Cənubi Qafqazda sülhə və sabitliyə ən böyük maneədir 2020-09-23 08:25:07 Xarici media Dağlıq Qarabağa PKK terrorçularının gətirilməsndən yazıb 2020-09-23 07:05:11 Ölkə vətəndaşlarının təlim toplanışlarına böyük ruh yüksəkliyi ilə qatılması dövlətimizə olan inamın bariz nümunəsidir 2020-09-23 06:40:28 Bütün dünya bilir ki, Azərbaycan qısa bir zamanda öz torpaqlarını azad etməyə qadirdir! 2020-09-23 06:25:35 Türkiyə və Azərbaycan prezidentləri arasında telefon danışığı oldu 2020-09-22 20:45:23 Ermənistanda məktəb dərsliklərində tarix saxtalaşdırılaraq azərbaycanlılara nifrət aşılanır 2020-09-22 09:30:46 “Karabakh is Azerbaijan!" Milli Platformasının xaricdəki koordinatorlarının ilk videokonfransı keçirilib 2020-09-22 08:25:47 “Qafqazın geosiyasəti: Dağlıq Qarabağ münaqişəsi” 2020-09-22 08:10:06 Ombudsman növbəti erməni təxribatına dair beynəlxalq təşkilatlara müraciət etdi 2020-09-22 07:15:21 Mövlud Çavuşoğlu: "Azərbaycanın haqlı mübarizəsində daim yanındayıq" 2020-09-22 06:55:23 "Ermənistanın baş naziri danışıqların mahiyyətini məqsədyönlü şəkildə pozur" 2020-09-21 22:00:16 “Dağlıq Qarabağla bağlı informasiyaların dünyaya çatdırılması işi davamlı aparılmalıdır ” 2020-09-21 15:15:07 Gürcüstan saytları Prezident İlham Əliyevin Ermənistanın təxribatları ilə bağlı fikirlərinə geniş yer ayırıb 2020-09-21 09:50:59 Məhəbbət Paşayeva: Qafqaz Albaniyası Azərbaycanın qədim dövlətidir və bu dövlətin varisləri biz azərbaycanlılarıq 2020-09-21 09:45:18 “Ermənistanın indiki rəhbərliyi məsuliyyət dərk etmir” 2020-09-21 09:15:08 QHT “Aztəminatlı əlil, şəhid və müharibə veteranları ailələrinə sosial yardımların təşkili” layihəsinin icrasına başlayıb 2020-09-21 09:05:02 Səbinə Kərimova: “Müharibəyə hazırlaşan Ermənistan üçün nəticələr çox ağır olacaq” 2020-09-21 08:55:59 “Qabarlı əllərin möcüzələri” 2020-09-20 14:35:26 “Eurasia Review” nəşrində Ermənistan-Azərbaycan münaqişəsi barədə məqalə dərc olunub 2020-09-20 08:00:26 Prezident İlham Əliyev: “Biz mütləq öz torpaqlarımıza qayıdacağıq” 2020-09-19 22:30:42 QHT sədri: “Tofiq Yaqublu məsələsində Azərbaycan dövləti 5-ci kolonun planını pozdu” 2020-09-18 19:45:54 Dağlıq Qarabağ bölgəsinin azərbaycanlı icmasının təmsilçiləri diplomatik nümayəndəliklərlə görüşləri davam etdirirlər 2020-09-19 09:20:53 "Arşın mal alan"ın əbədi şöhrəti və erməni xəbisliyi - Üzeyir Hacıbəyli - 135 2020-09-19 08:15:16