SOSİAL
A- A A+

"Ordumuzun bölmələrinin hazırlığı nəticəsində düşmən itki verərək geri oturduldu"

2020-07-19 10:00:01

.

Azərbaycan Ordusunun şəxsi heyətinin mənəvi-psixoloji hazırlığı, döyüş ruhu nəticəsində düşmən Tovuz rayonu istiqamətində itki verərək geri oturduldu.

Bunu AZƏRTAC-a müsahibəsində Azərbaycan Müdafiə Nazirliyinin mətbuat xidmətinin rəisi, polkovnik Vaqif Dərgahlı deyib.

V.Dərgahlı bildirib ki, iyulun 12-də günorta saatlarından başlayaraq düşmən tərəfi həmişəkindən fərqli olaraq əvvəlcə Azərbaycan-Ermənistan dövlət sərhədinin Tovuz rayonu istiqamətində yerləşən bölmələrimizin mövqelərini atəşə tutmağa başladı. Mövqelərlə yanaşı, sərhəd bölgəsində yerləşən kəndlər də atəşə məruz qaldı. Düşmən bölmələri əvvəlcə yüngül atıcı silahlardan atırdılarsa, sonradan iriçaplı silahlardan 60, 82 və 120 millimetrlik minaatanlardan istifadə olundu. Növbəti günlərdə bu silahların çapı və ağırlığı dəyişərək artilleriyadan istifadə edilməyə başlandı.

“Tovuz istiqaməti, bizim daimi nəzarətimizdə olan və daim gündəmdə olan, cəbhədə baş verən atəşkəs rejiminin pozulması prosesində tam nəzərdə saxlanılan Dağlıq Qarabağ və işğal olunmuş ərazilərimizdən xeyli məsafədə yerləşir. Düşmənin bu istiqamətdə aktivləşməsinin bir neçə səbəbi var. Bunlar hərbi və siyasi məqamlardır. Amma əsas amillərdən biri də Ermənistanda hakimiyyətdə olan klanın dayaqlarının sarsılmasıdır. Xatırlayırsınızsa, Nikol Paşinyanın oğlunun təmtəraqla Dağlıq Qarabağa, işğal olunmuş ərazilərimizə xidmətə göndərilməsi məsələsi var idi. Onun həmin əraziyə göndərilərək orada həqiqətən də xidmət etməsi sual altındadır. Onun adının orada xidmət edənlər arasında olmasına baxmayaraq, özü evində “xidmət” aparırdı. O, heç Yerevandan kənara çıxmırdı. Ancaq Paşinyanın oğlu hərbi xidmətdən qayıtdıqdan qısa müddət sonra bu istiqamətdə hadisələr baş verdi. Burda bir məqama da toxunmaq istərdim ki, N.Paşinyanın özünün hakimiyyətinin laxlaması prosesi baş verir. Başqa bir məqam isə Ermənistanın bu istiqamətdə yerləşən bölmələrində hərc-mərcliyin, orduda intizamsızlığın olmasıdır. Ermənistan bu istiqamətdə təxribat törətməklə vəziyyəti genişmiqyaslı döyüşlər həddinə çatdırdı”, - deyə Müdafiə Nazirliyinin mətbuat xidmətinin rəisi bildirib.

Xüsusi vurğulanıb ki, Azərbaycan Ordusu komandanlığının ehtimal olunan hər bir vəziyyətə dair döyüş hazırlığı üzrə planları var. Bu istiqamətdə yerləşən bölmələrimiz düşmənin fəaliyyətinin qarşısını dərhal almağa hazır idilər və bunu yerinə yetirdilər. Bəzi KİV-lərdə, sosial şəbəkələrdə məlumatlar yayılmışdı ki, guya hansısa mövqelər itirilmişdir, geri çəkilmələr olmuşdur. Bu məlumatların heç biri həqiqətə uyğun deyil.

“Ermənistan işğalçılıq siyasətini davam etdirir, ərazilərimizi zəbt etmək, mövqelərimizi ələ keçirmək istəyir. Amma Azərbaycan Ordusunun döyüş hazırlığı, mənəvi-psixoloji ruhu, bu istiqamətdə yerləşən bölmələrimizin yüksək hazırlığı Ermənistan silahlı bölmələrinin qarşısını sərt şəkildə aldı. Düşmənə qarşı tətbiq olunan dəqiq və dağıdıcı gücə malik silahlar onu itki verərək geri çəkilməyə məcbur etdi”, - polkovnik Vaqif Dərgahlı vurğulayıb.


Kateqoriya : SOSİAL Baxış sayı : 106

QHT və MEDİA

2020-08-05 13:45:48

QHT və MEDİA
Haaqadakı Xocalı abidəsinin yeri dəyişdi...
Haaqadakı Xocalı abidəsinin yeri dəyişdi...

Niderland Krallığının Haaqa şəhərinin "Nieuw Eykenduynen" ( "Yeni İkendinen")...

2020-08-05 09:35:48

QHT və MEDİA
Elçin Əhmədov: Azərbaycan diasporunun əl...
Elçin Əhmədov: Azərbaycan diasporunun əl...

2020-ci il iyulun 12-də Azərbaycan-Ermənistan sərhədində Ermənistan tərəfində...

CƏMİYYƏT

2020-08-04 07:15:25

CƏMİYYƏT
Azərbaycanın İtaliyadakı səfiri: Sivil d...
Azərbaycanın İtaliyadakı səfiri: Sivil d...

“İtaliyada erməni tərəfi və ona bağlı dairələr Ermənistanın Azərbaycana qarşı...

2020-07-25 17:30:35

CƏMİYYƏT
Ermənilərin məkrli gedişləri
Ermənilərin məkrli gedişləri

Əslində hayların bu qara siyasəti kilsələrdə təşəkkül taparaq dövriyyəyə bura...

İQTİSADİ

2020-08-05 09:45:02

İQTİSADİ
COVİD-19 xəstələrinin müalicəsi ilə məşğ...
COVİD-19 xəstələrinin müalicəsi ilə məşğ...

Bunu Trend-ə Azərbaycan Tibb Universitetinin dosenti Fuad İslamzadə deyib.<...

2020-08-04 08:50:00

İQTİSADİ
Şuranın əməkdaşı layihələrdə çalışan işç...
Şuranın əməkdaşı layihələrdə çalışan işç...

Katibliyin əməkdaşı bu barədə öz facebook səhifəsində açıqlama verib.

...