2020-07-10 08:20:42 | QHT VƏ MEDİA
Azay Quliyev: Yeganə istəyimiz odur ki, bütün əməkdaşlıqlar ATƏT-in müəyyən etdiyi mandata uyğun təşkil olunsun, Azərbaycan haqsız olaraq hədəfə alınmasın

.

Azərbaycan ATƏT-in kütləvi informasiya vasitələrinin azadlığı məsələləri üzrə nümayəndəsi vəzifəsinə növbəti üç il üçün fransalı Arlem Dezirin mandatının təsdiqlənməsinə razılıq verməyib. Nəticədə məsələ həll olunmamış qalıb. Məsələnin bu şəkil almasını qalmaqala çevirmək istəyənlər də var. Belə ki, “Sərhədsiz Reportyorlar” bəyanat verib, Milli Şura da bunu Azərbaycanın əleyhinə kampaniyaya çevirib.

ATƏT Parlament Assambleyasında Azərbaycan nümyəndə heyətinin rəhbəri, ATƏT Parlament Assambleyasının vitse-prezidenti Azay Quliyev “Yeni Müsavat”a bildirib ki, ATƏT-in mətbuat azadlığı üzrə xüsusi nümayəndəsi Arlem Dezirin Azərbaycana yönəlik qeyri-adekvat və qərəzli mövqeyinin dəfələrlə şahidi olmuşuq: “Bilirsiniz ki, ATƏT-in vəzifəli orqanları, baş katib, mətbuat azadlığı üzrə nümayəndə, Demokratik Təsisatlar və İnsan Hüquqları Bürosunun direktoru və Milli Azlıqlar üzrə ali komissarın mandatı üç ildən bir yenilənir. Hazırda 4 nəfərin mandatı da iyulun 17-də başa çatacaq. Onların mandatı ya təzələnməlidir, ya da həmin vəzifəyə seçkilər keçirilməlidir, vakansiya elan olunmalıdır. Azərbaycan tərəfinin mövqeyi ondan ibarətdir ki, 4 mandatdan üçü yenilənə bilər. Bu aiddir baş katibə, Demokratik Təsisatlar və İnsan Hüquqları Bürosunun direktoruna və Milli Azlıqlar üzrə Ali Komissara. Ancaq media azadlığı üzrə nümayəndənin mandatının yenilənməsinə biz etiraz edirik. Təkcə biz yox, ATƏT-də daha bir neçə ölkə etiraz edir. Səbəb də budur ki, Dezir bu mandatdan sui-istifadə etdi, onun mahiyyətini tam başa düşmədi və mandatdan nəzərdə tutulmuş istiqamətlər üzrə istifadə etmədi. ATƏT-in prinsiplərinə və dəyərlərinə hörmətsizlik edərək ayrı-ayrı ölkələri özünün siyasi dünya görüşünə və yanaşmasına uyğun olaraq əsassız yerə hədəfə aldı. Sonra da həmin ölkələrə qarşı açıq-aşkar qərəzli və ikili standartlarla müşahidə olunan mövqe sərgilədi. Mən bəri başdan deyim ki, Azərbaycanın yanaşması heç bir halda Dezirin daşıdığı mandata qarşı deyil. Yəni biz heç bir halda media azadlığı üzrə nümayəndənin mandatında nəzərdə tutulan fəaliyyətinin həyata keçirilməsinə qarşı deyilik. Biz həmişə bu cür qurumlarla əmkdaşlıq etmişik. Məsələn, ATƏT-in Demokratik Təsisatlar və İnsan Hüquqları Bürosu Azərbaycanda prezident və parlament seçkilərini müşahidə edir. Onun verdiyi hesabatlarda, əlbəttə, bizim razılaşmadığımız bir çox məsələlər də, əsaslı tənqidlər də var. Biz bunlarla bağlı öz fikirlərimizi, iradlarımızı bildiririk. Amma bununla yanaşı, düşünürük ki, bu təsisatla əməkdaşlığımızı davam etdirməliyik. İndi də ən çox tənqi edən qurumlardan biri adını çəkdiyim qurumdur və biz onunla əməkdaşlığımızı daha da genişləndirnək niyyətindəyik. Yəni demək istəyirəm ki, Dezirin mandatının yenilənməsini biz Azərbaycana qarşı tənqidlərə görə yox, Azərbaycana qarşı davamlı qərəzli mövqeyinə, mandatından kənara çıxmasına görə istəmirik”.

Azay Quliyev vurğulayıb ki, Dezirin fəaliyyəti tənqid yox, Azərbaycana qarşı açıq-aşkar qarayaxma kampaniyası idi. Necə olur ki, Ermənistanda onlarla jurnalistlər həbs olunur, döyülür və yaxud Mqer Yeqizaryan kimi jurnalist həbsxanada 54 gün quru aclıq aksiyası keçirir və nəhayətdə ölür, Dezir bu məsələlərlə bağlı bir dəfə də olsun bəyanat vermir, beynəlxalq təşkilatları səfərbər olmağa səsləmir. Ancaq Azərbaycanda kiçik bir hadisəni və ya saxta məlumatlar əsasında verilmiş hesabatları ölkəmizə qarşı böyük bir qarayaxma kampaniyasına çevirir. ATƏT PA-nın vitse-prezidenti problemin həlli yolunun olduğunu da göstərdi: “Bugünkü vəziyyət onu deməyə əsas verir ki, Azərbaycan Dezirin mandatının yenilənməsinə konsensus verməyəcək. Bu barədə ATƏT PA-nın Daimi Komitəsinin iclasında da məlumat vermişəm. Yaxşı olardı ki, ATƏT-ə sədrlik edən Albaniya vaxt itirmədən ATƏT-in media azadlığı üzrə nümayəndəsi vəzifəsinə vakansiya elan etsin, yerdə qalan üç vəzifə isə təsdiq olunsun. Sizi əmin edirəm ki, Azərbaycan ATƏT-in media azadlığı üzrə təyin olunacaq yeni nümayəndəsi ilə sıx əməkdaşlıq etməyə hazırdır. Yeganə bizim istəyimiz odur ki, bütün bu əməkdaşlıqlar ATƏT-in prinsiplərinə, dəyərlərinə uyğun şəkildə həyata keçirilsin, ATƏT-in müəyyən etdiyi mandata uyğun təşkil olunsun, Azərbaycan haqsız olaraq hədəfə alınmasın. Bizim mövqeyimiz beynəlxalq hüquqa tam uyğundur. Biz bu hüquqmuzdan istifadə etmişik. Azərbaycan Respublikasının prezidenti cənab İlham Əliyevin dəfələrlə söylədiyi kimi, heç kim Azərbaycana qarşı hədə-qorxu, təhdid və güc dilində danışa bilməz, heç kim Azərbaycanın da razılığı ilə verilmiş mandatdan ölkəmizə qarşı sui-istifadələrə yol verə bilməz. Azərbaycan ATƏT-in bütün institutları, o cümlədən ATƏT PA ilə çox yaxında əməkdaşlıq edir, ATƏT-in dəyərlərinin və prinsiplərinin həyata keçirilməsinə çox ciddi töhfələr verir və bu proses bundan sonra da davam edəcəkdir. Lakin Azərbaycan müstəqil və suveren ölkə kimi ona qarşı olan haqsızlığa və ədalətsizliyə qarşı adekvat münasibət bildirmək hüququnu da özündə saxlayır”.

Baxış sayı : 870
ADA Universiteti Azərbaycanın işğaldan azad olunmuş ərazilərinə repatriasiyanın proqnozlaşdırılması və səmərəli təşkili mövzusunda sosioloji tədqiqat layihəsini həyata keçirəcək 2021-01-23 10:20:38 Azərbaycanın enerji strategiyası uzaqgörənlik, effektiv qərar qəbuletmə və koordinasiyalı fəaliyyət planı üzrə uğurla icra olunur 2021-01-23 10:05:42 Bazar iqtisadiyyatı şəraitində biznesin borc təcrübəsi 2021-01-23 09:55:17 "Böyük Qayıdış” qısametrajlı bədii və animasiya film layihələri müsabiqəsi elan edildi 2021-01-22 16:35:09 Avropa azərbaycanlıları 20 Yanvar faciəsini törədən SSRİ rəhbərliyinin cəzalandırılmasını tələb edir 2021-01-22 11:50:22 Ermənilərin ən böyük problemi öz uydurduqları yalanlara özlərinin inanmalarıdır 2021-01-22 10:35:09 Haaqada “20 Yanvar uşaqların gözü ilə” adlı virtual sərgi 2021-01-22 09:40:15 Prezident İlham Əliyev: Xəzəryanı ölkələrin əməkdaşlığı çox dinamik, qarşılıqlı anlaşma ruhunda inkişaf edir 2021-01-22 09:15:12 Türkmənistan Prezidenti: Xəzərdə birgə uğurlu fəaliyyətin əsas rəhni türkmən və Azərbaycan xalqlarının möhkəm qardaşlıq telləridir 2021-01-22 09:05:54 Professor Surxay Musayev: “Vətən müharibəsi və COVİD- 19 pandemiyası zamanı bütün tibbi heyət üzərinə düşən vəzifəni ləyaqətlə yerinə yetirdi” 2021-01-21 14:15:02 Azərbaycan Prezidenti İlham Əliyevlə Türkmənistan Prezidenti Qurbanqulu Berdiməhəmmədov arasında videokonfrans formatında görüş keçirilib 2021-01-21 13:40:37 Şuşada “Xarı bülbül” festivalı və Vaqif poeziya günlərinin keçirilməsi ilə bağlı işlərə başlanıb 2021-01-21 12:55:15 Türkiyə Milli Müdafiə Nazirliyi: 20 Yanvar - Unutmadıq, unutmayacağıq! 2021-01-21 12:40:40 Könül Nurullayeva: “İşğaldan azad edilmiş torpaqların inkişaf modeli nümunəvi xarakter daşıyacaq” 2021-01-21 11:50:58 Türk şirkətləri azad edilmiş ərazilərdə tekstil sahəsinə 50 milyon dollar yatırım edəcək 2021-01-21 11:40:09 “20 yanvar qəhrəmanlıq tarixindən Qarabağ zəfərinə” 2021-01-20 17:50:20 20 Yanvar faciəsinin ildönümü Şuşada qeyd olunub 2021-01-20 19:05:56 Prezident və birinci xanım Şəhidlər xiyabanını ziyarət etdilər 2021-01-20 12:45:16 Arye Qut: Azərbaycan postsovet məkanında öz ərazi bütövlüyünü bərpa etməyə nail olmuş yeganə ölkədir 2021-01-20 10:20:14 Tariximizin şanlı qəhrəmanlıq səhifəsi 2021-01-20 09:50:06 Zəfər savaşından bütün şəhidlərimizi yeni ruh və qürur hissi ilə anırıq, bütün şəhidlərimizin ruhu şaddır - Hikmət Hacıyev 2021-01-20 09:05:38 Prezidentin "Facebook" səhifəsində 20 Yanvar faciəsi ilə bağlı paylaşım edildi 2021-01-20 09:00:31 Azad edilmiş ərazilərdə Prezidentin xüsusi nümayəndəlikləri təsis edilir - Fərman 2021-01-20 07:55:54 Şuşaya çəkilən “Zəfər yolu” sentyabr ayınadək istifadəyə veriləcək 2021-01-19 16:55:50